မထင်လိုက်ပါနဲ့
ကျေးလက်ရဲ့ညက
တိတ်တဆိတ်သွေးအေးလွန်းတယ်လို့
နားလည်တတ်ရင်
ညမှာလဲ ခေါင်းစဉ်မသေချာတဲ့ ခံစားချက်မျိုးစုံနဲု့
ညီးတွားနေမှာပါ

သံစဉ်ကြားတိုင်း တေးမသီနဲ့
လျှပ်ရောင်မြင်တိုင်းလဲ လန့်မခုန်လေနဲ့
ဒါတွေက ည ရဲ့ . . .

မင်း အတွက်တော့
ဒီလိုအချိန်မျိုးမှာ
ရောက်ဖူးတဲ့ အပမ်းဖြေကမ်းခြေတစ်ခုရဲ့
ဆည်းဆာချိန်ကို လွမ်းကောင်းလွမ်းနေလိမ့်မယ်

မင်းလိုပါပဲ …
တစ်ချို့က ညကို ကျိန်ဆဲနေတယ်
တစ်ချို့က ည နဲ့ဝေးရာကိုပြေးရင်း လမ်းပျောက်နေတယ်
တစ်ချို့က ည ထဲမှာ ဥစ္စာရှာတယ်
တစ်ချို့က ည ထဲက ပိုးစူးကြူးကို လိုက်ဖမ်းနေတယ်
တစ်ချို့က ည ထဲမှာ အိပ်မောကျနေလေရဲ့ …

လာပါ သူငယ်ချင်းရယ် …
မျက်ရည်တွေသုတ်ပြီး
ငါနဲ့အတူ ညနက်နက်ကို အလွတ်ကျက်ကြမယ်
မျက်တောင်မခတ်တန်းပေါ့

အချိန်တန်ရင်လေ …
အရုဏ်ရဲ့ ခွင့်ပြုချက်နဲ့
မင်းမျက်နှာပေါ်မှာ
အပြုံးတစ်ခုတွေ့ရမယ်လို့
ငါလောင်းရဲတယ် ။