ကောင်မလေးရေ

အလွမ်းတွေက ငွေ့ရည်ဖွဲ့

မျှော်လင့်ခြင်းတိမ်တိုက်တွေက မင်းရှိရာဦးတည်

တဖွဲဖွဲစကျလာပြီ ငါ့ရဲ့ကောင်းကင်ထက်

သမုဒယပျိုးပင်လေးတွေ မင်းစိုက်ပျိုးခဲ့တာလားကွာ ။

ကောင်မလေးရေ

ပျော်ဝင်လာတဲ့ အချိန်တွေထဲ

ဆေးမတိုးတော့တဲ့ ငါ့ဝေဒနာ

မီးစာကုန်ဆီမခန်းတဲ့ အချစ်တွေရှိနေသေးသ၍

မင်း ယုံကြည်ဖို့တော့ အချိန်တွေ ငါမခိုးယူခဲ့ဘူးနော် ။

ကောင်မလေးရေ

ခပ်တိမ်တိမ်အတွေးနဲ့လူ

နှလုံးသားကတော့ လတ်ဆတ်တယ်

အိပ်မက်တွေကို ဈေးကွက်တင်ရောင်းချရင်း

တွေးခေါ်မြော်မြင်မှုတွေကတော့ ခုထိ အဖျားတက်နေလေရဲ့ ။

ကောင်မလေးရေ

ငါရှင်သန်တာ အခမဲ့နေထိုင်ခွင့်တစ်ခု

အပိုဆုကလေးကတော့ မင်းကိုချစ်ခွင့်

တစ်စောင်ပဲထိုးပြီး ထပေါက်တဲ့ ထီလက်မှတ်လို

ပိုင်ဆိုင်ခွင့်အတွက် ထိုင်ဆုတောင်းရတာ နေ့တိုင်းဖြစ်နေပြီ ။

ကောင်မလေးရေ

မင်းရွတ်ဆိုနေတာ ကျိန်စာမဟုတ်ဘူး

ငါတို့ဝေးကွာနေတာဟာ တစ်ကမ္ဘာမဟုတ်ဘူး

ချစ်ခြင်းတရားရဲ့ တစ်ဖက်ခြားမှာသာ

ငါရပ်စောင့်နေရတာပါ ။ ။