အဲဒီနေ့က
နေထွက်တာ စောလွန်းတယ်
ကဲ ပြောစမ်း ကောင်မလေးရယ်
လမ်းခွဲကြမဲ့မနက်မှာ နေသာသင့်သလားလို့

မြက်ခင်းစိမ်းဖျဖျပေါ် လမ်းလျှောက်ရင်း
အပျော်ဇာတ်သွင်းထားလိုက်တယ်
ရင်ထဲက ကြေကွဲခြင်းအုတ်မြစ်ကတော့
ပူချစ်တောက်လောင်ထွန်းပလို့

မကြားဝံ့တဲ့ စကားတခွန်းကို
ခပ်ရဲရဲ နားဆင်ဖို့အတွက်
နားတဖက်ကို နေပေါ်ပန်ပေးခိုက်
မျက်ရည်သံ လေနီတို့ တိုက်ခဲ့ပြီ

မွှေးပျံ့တဲ့ အရုဏ်ချိုချိုမနက်
မင်း ရက်ရက်စက်စက် သတ်ခဲ့
ဘာများ ဆန်းသလဲကွယ်
ငါ သပ်သပ်ရပ်ရပ် အသည်းကွဲ ပေးလိုက်တယ်။

ချီရွန် ( ပုလဲ )

In: ကဗျာ Posted By: chiron Date: May 11, 2010  All Time