ကမ်းခြေမျှောဆည်းဆာ

အဝေးပြေး နေ့တစ်နေ့ ဆည်းဆာ ညနေပုံ

ဒီပေါ် ငှက်တွေ အမောမမြင် အိပ်တန်းပြန်နေကြ

ဆည်းဆာဟာ ကမ်းခြေပေါ် ၀ဲပျံလိုက်တော့

နေ့တစ်နေ့ ဖြစ်ပျက်ခြင်းကို ခပ်မှိန်မှိန်တွေ့သွား

ဒီပေါ်မှာလည်း ငှက်တွေ အမောမြင် အိပ်တန်းပြန်နေကြ

အို … ဆည်းဆာ

ဘာကို ဖျက်သိမ်းဖို့ပါလဲ

သဲသဲကွဲကွဲ ဖြစ်ပျက်နေမှုတွေမှာ

ဆည်းဆာဟာ အသင့်စောင့်လို့

ဆည်းဆာရဲ့ အခင်းအကျင်းထဲ

လတ်လတ်ဆတ်ဆတ် ဖြစ်သန်းဆဲ ငါ

ငါက ဆည်းဆာအပေါ် မေးတင်တယ် ဇွတ်

ဆည်းဆာကလည်း ကမ်းခြေပေါ် မေးတင်တယ် ဇွတ်

ကမ်းခြေညွတ်သွားခဲ့သလားတောင် မသိဘူး။

နောက်ဆုံးတော့လေ

ကမ်းခြေဟာ ရေစီးနောက်

နောက်ယောင်ခံ လိုက်သွားတော့တယ်။

ကလင့်(မန္တလေး)

အဇ္ဈတ္တအယ်လဘမ် ကဗျာစာအုပ်ပေါင်းချုပ်မှထုတ်နုတ်သည်