အမေ…….
လောကဓံ မိစိမ်းကား
ဗီလိန်မင်းသားနဲ့  တွဲပြီး
သားရဲ့ အသည်းကိုခွဲချေ
သွေးရဲတွေ အလီလီကျ
နာကျင်လှချည်ရဲ့…..အမေ။

ရွှေမဖြစ်
ငွေမဖြစ်
အမေချစ်တဲ့…..သား
ကဗျာဓါးကို ကိုင်ဆွဲပြီး
ယိုင်လဲတဲ့ ဓနိမိုးအောက်
“တက်” ခေါက်ခဲ့မိပေါ့။

စိတ်ညစ်တဲ့ အခါတိုင်း
ချစ်ရသူရဲ့ မျက်လုံးဝိုင်းဝိုင်း ကလေးကို မမြင်
အမေနဲ့သာ တွေ့ချင်တယ်။

ပြေလည်တာ မသိ
ရွှေဝယ်စရာ မရှိ
အသေအချာ စမ်းစစ်ကြည့်တိုင်း
ကဗျာသမား အမေ့သား
နင်းပြားပါ…..အမေ။

ဘ၀ဆိုတာ…….
ဗီဒီယိုအခွေလို လိုချင်တာပြန်ရစ်
ဆန်းစစ်ဖို့ အချိန်ရရင်
အိမ်ခဏပြန်ချင်တယ်…..အမေ။

မောင်လှမျိုး (ချင်းချောင်းခြံ)

ခေါင်းစဉ်က အတိအကျ မသိတော့တဲ့အတွက် ဖြစ်နိုင်ချေရှိတာကို တင်လိုက်ပါတယ် …….
ဆရာ့ကဗျာကို အရမ်းကြိုက်တဲ့အတွက် ဆရာ့ ၀တ္ထု တစ်အုပ်ထဲက ပါတဲ့ ကဗျာတစ်ပုဒ်ပါ ………
ဒီစာအုပ်ကို ဖတ်ထားတာ အလွန်တရာ ကြာပြီဖြစ်တဲ့ အတွက် ခေါင်းစဉ် အတိအကျ မမှတ်မိတာက မိမိ၏ ညံ့ဖျင်းမှုသာ ဖြစ်ပါကြောင်းနဲ့ သိရှိပါက အမှန်ပြင်ပေးနိုင်ပါကြောင်း အသိပေးပါတယ်………