အနာဂါတ်သည် မျိုးစေ့ကောင်းတို့

စိုက်ပျိုးပေးသော ဥယျာဉ်မှူးတို့

လက်ထဲက ပန်းကောင်းတပွင့်ပေါ့

ပန်းပန်ချင်သူတွေ ပန်ခွင့်ရှိရင်

တနေ့နေ့မှာ ဥယျာဉ်မှူးက

ပန်ခွင့်ပြုမှာ သေချာပါတယ်..

သို့သော် သူမှာ နစ်နာမှုတော့

ရှိမှာသေချာတယ် အများမသိသော

လျိုဝှက်ချက်တွေဖြင့် သူကိုယ်တိုင်

ပန်းကလေးတွေကို စိုက်ပျိုးခဲ့လို့လေ..။

ပန်းပျိုးလက်တိုင်း ပန်ခွင့်မရှိခဲ့သလို

ပန်ချင်သူတိုင်းလည်း ပန်ခွင့်မရခဲ့တဲ့

ဦးဆောင်ပန်းကို ပန်ချင်သူ

လှပျိုဖြူရယ်က လက်လှမ်းကာ

တောင်းရမ်းလာရင်ဖြင့် အလိုက်သိတော့

ပေးလိုက်ချင်ရဲ့ သဒ္ဓါဖြူ

ကိုယ့်ရင်ထဲမှာ အဖြူရောင်ကြယ်စင်တွေ

ရင်လှိုင်းခတ်သလို လွမ်းရမှာလည်း

စိုးကြောက်မိတယ် ပန်မြိုင်တောမှ

ပန်းပန်ချင်သူ လှပျိုဖြူရယ်..။

တက္ကသိုလ်မြတ်မင်း