@ အဖြူ နဲ့ အမည်းရောနေတဲ့ ခလုပ်တွေကြား

    ဒဏ်ရာတွေသေလို့ ပြန်ဝင်စားတဲ့ သံစဉ်တွေ

    ဖုန်တတ်နေတဲ့ အတွေးအခေါ် အဖုံးအောက်

    ဖြူတဲ့ ခလုပ်လဲ နိမ့်ဝင်ရတာပဲ

    မည်းတဲ့ ခလုပ်လဲ နိမ့်ဝင်ရတာပဲ။

@ သံဆူးကြိုးတွေ ၀န်းရံခံရတဲ့ စန္ဒယားမှာလဲ

    လမ်းမပေါ်က မုန့်အကြွင်းအကျန်တွေ ကောက်နေတဲ့

    အဘိုးအို၊ အဘွားအိုတွေ

    ရေဒီယို သတင်းမှာ ပြတ်တောက်သွားတဲ့

   မိသားစုချစ်ခြင်းတွေ

   အလုအယက်မောင်းနှင်သွားတဲ့ ချွေးတပ်ဆွဲကားထဲ

   ” ငါမင်းကိုသိပ်ချစ်…………”

    မေတ္တာ စကားတွေလဲ အလုအယက်လိမ့်ပါရတယ်။

@ ခွက်ထဲကလက်ကျန်

    အသက်ဓါတ်တစက်နှစ်စက်မှာလဲ

    ယောက်ယှက်ခတ်နေတဲ့အလံတွေရဲ့ အရိပ်တွေ

    တိမ်မည်းဖုံးနေတဲ့ မြို့ပျက်ကြီးအောက်

    တ၀ုန်းဝုန်း ပြိုကျနေတဲ့ တံတိုင်းတွေ

    လူမျိုးစု အမှတ်တံဆိပ်ဟာ

    ဈေးနှုန်း အတက်အကျကြမ်းလွန်းပါတယ်

    အဲ့ဒီလို ကတ္တရာ လမ်းနီနီတွေပေါ်

   ဂီတကိုပဲ ရေးခြယ်ချင်တဲ့

   တကြောင်းဆွဲ ပန်းချီကားလေးကတော့

   ထင်ရှားလှပပါပေတယ်။                   ။

                                                                                                      ( ရှိန်ဝါ )

( The Pianist ရုပ်ရှင်ကားကို ခံစားရေးဖွဲ့သည်။ )

( အမှတ် ၉၊ သြဂုတ်လ၊ ၂၀၀၉ ၊ စတိုင်သစ် )