ကတ္တရာလမ်းက
အငွေ့တထောင်းထောင်းနဲ့ 
ရွာရိုးကိုးပေါက်
လျှောက်သွားလို့ ကောင်းတုံး
ရွေ့ပြောင်းတောင်ရာလို
ငါ့ခြေထောက်ပဲ
တစ်ပင်တည်းကျန်ခဲ့တယ်

သူလည်းရေတစ်ပွက်
ငါလည်းရေတစ်ပွက်ပါပဲ
အငွေ့ပျံဖို့ အတွက်များ
အသည်းအသန်ရုန်းကန်နေရတယ်..လို့ 
သားသတ်ရုံရောက်မယ့်ခရီးမှ
ရှေ့ဆုံးကထွက်ဖို့ 
ဝီရိယရှိနေတာမျိုး

ရထားကပန်းတိုင်ကို
ခဏခဏဖြတ်လျှောက်ပြီးပေမယ့်
သံလမ်းကြီးကတော့
ဒီနေရာကလွဲရင်
ဘယ်မှမရောက်ဘူး
လမ်းခရီးမှာချောမွေ့ပါစ…ရထားလေးရယ်။

လက်နက်အစား
သက်ပြင်းတွေပဲချကြည့်မိတယ်
တစ်ခါခါတော့လည်း
အမေ့လုံချည်ကြားဝင်ပုန်းပြီး
လောကကိုလက်သီးပုန်းပြချင်တယ်။

အတွေးအခေါ်ကို
အသက်ရွယ်နဲ့တိုင်းပြီး
ပယ်တဲ့စာရင်းထဲပို့ လိုက်တယ်
တကယ်ပါ….
ဘ၀ဟာ
ချစ်သူတစ်ယောက်ဆိုရင်တောင်
စိတ်ကောက်ခံရတဲ့အချိန်ကများတယ်။

အခုတလော
ထွက်သက်နဲ့ ဝင်သက်ကြားမှာ
အချိန်တွေပျောက်ပျောက်နေတယ်
နောက်ဆုံးညနေက
ငါ့လိပ်ပြာကို
ငှားသွားတာ
ဘယ်သူလဲ………………။

ဒီအရပ်နဲ့ ဒီဇာတ်မို့ 
ကြိုးပြတ်တာက
အကြောင်းမဟုတ်ပါဘူး
သေတ္တာကိုဖွင့်ကြည့်မိသူပဲ
အပြစ်ရှိတယ်

လေတိုးသံလည်းမဟုတ်ဘူး
သစ်ရွက်လည်းမလှုပ်ဘူး
ကံကြမ္မာမဟုတ်သလို
လူပြောများတဲ့
သောကြာညဒဏ္ဍာရီလည်းမဟုတ်ဘူး
ဘယ်သူခူးခူး
မခူးခူး………….
ကိုယ့်ခေါ်သံကိုယ်ပြန်ထူးနေတဲ့အဖြစ်ကို
ဘယ်သူ့ ကိုမှအကြောင်းမကြားဖြစ်ဘူး။

                                                         terry (1.11.2011)6:00am
                                                  [email protected]