အပိုင်း(၁) ၊ အနှိုင်း

တကယ်တော့ သူက ထူးခြားသူမဟုတ်ပါဘူး
ခင်ဗျားတို. ကျွန်တော်တို.လိုပဲ မထင်မရှားမွေးဖွားလာတာပါ
ရွှေဇွန်းကိုက်လည်းမွေးမလာဘူး
ရွှေလင်ဗန်းနဲ.အချင်းဆေးတဲ့
မဟာဆီမဟာသွေးလည်း မဟုတ်ဘူး
မွေးချိန်မှာ ကြယ်တွေကြွေတဲ့သူလည်း မဟုတ်ခဲ့ပါဘူး။

ခင်ဗျားတို. ကျွန်တော်တို.လိုလူတစ်ယောက်က
ခင်ဗျားတို. ကျွန်တော်တို.လိုတော့ မနေခဲ့ဘူး။

ခင်ဗျားတို. ကျွန်တော်တို.လို မတရားမှုကို ငုံ.ခံမနေခဲ့ဘူး
ခင်ဗျားတို. ကျွန်တော်တို.လို ကိုယ့်ကိုထိခိုက်မှာ စိုးရိမ်မနေခဲ့ဘူး
ခင်ဗျားတို. ကျွန်တော်တို.လို တို.လုပ်လည်းမထူးပါဘူးကွာမပြောခဲ့ဘူး
ခင်ဗျားတို. ကျွန်တော်တို.လို အကြောက်တရားတွေနဲ. ကုပ်မနေခဲ့ဘူး။

အယူချည်းပဲ ရှိတဲ့သူတွေကြားမှာ
အပေးချည်းပဲ ရှိတဲ့လူတစ်ယောက်က ထူးဆန်းနေခဲ့တယ်။

ကိုယ့်အမျိုးအတွက်ပဲ လုပ်တဲ့သူတွေကြားမှာ
ပြည်သူတွေအတွက် လုပ်တဲ့သူက ထင်ရှားနေခဲ့တယ်။

ပကာသနတွေ လုပ်ကြံပြောနေကြသူတွေကြားမှာ
အသုံးမကျဘူးဗြောင်ဆဲရဲတဲ့သူက ရိုးသားနေခဲ့တယ်။

ခင်ဗျားတို. ကျွန်တော်တို.လို လူတစ်ယောက်က
နေမ၀င်အင်ပါယာကြီးကို ကိုင်လှုပ်ခဲ့တယ်။

ခင်ဗျားတို. ကျွန်တော်တို.လို လူတစ်ယောက်က
တော်လွန်း တတ်လွန်းလို. မဟုတ်ခဲ့ဘူး
ငါလုပ်တော့မယ်ဆိုတဲ့ တာဝန်ယူစိတ်လေးကို
အဆုံးရောက်အောင် လျှောက်သွားခဲ့တာပါ။

မျိုးစေ့လေးက သစ်တောကြီးတစ်ခုလုံးကို ပေးသွားခဲ့သလို
ရေပေါက်လေးက တိမ်တွေအားလုံးကို စုရုံးခေါ်ငင်ရွာချခဲ့သလို
လေပွေလေးက မုန်တိုင်းကြီး တစ်ခုလုံးအစပျိုးပေးခဲ့သလို
သူခေါင်းဆောင်လို. မကြေငြာပဲနဲ. သူ.နောက်ကို အားလုံး လိုက်ခဲ့ကြတယ်။

အနည် အမှုန်တွေ ကွယ်ဝှက်မထား
မှန်သားလို ကြည်လင် ထွင်းဖောက်မြင်ရတဲ့သူ.စိတ်ကိုချစ်လို.ပေါ့
တိုင်းပြည်ခေါင်းဆောင်ဖြစ်ချိန်မှာ
ဝတ်စုံ နှစ်စုံပဲရှိတဲ့ သူ.စိတ်ဓာတ်ကို လေးစားလို.ပေါ့
ဘယ်သူတွေ သူ.လောက်ရိုးသားခဲ့ဘူးလဲ
ဘယ်သူတွေ သူ.လောက် စွန်.လွှတ်စိတ်ထားဘူးလဲ
ငါယူမယ် ငါပေးမယ် မပြောပဲ
အသက်ကို စတေးပြခဲ့သူ။

ငယ်တုန်းရွယ်တုန်းမှာ ကျောင်းတော်ကို စွန်.ခွာခဲ့ရတယ်
ငယ်တုန်းရွယ်တုန်းမှာ စီးပွားမရှာနိုင်ခဲ့ဘူး
ငယ်တုန်းရွယ်တုန်းမှာ ပခုံးပေါ်မှာ တစ်နိုင်ငံလုံးတာဝန်တွေ တင်ထားခဲ့ရတယ်
ငယ်တုန်းရွယ်တုန်းမှာ အယူအဆဆန်.ကျင်ဘက်တွေကို စုစည်းနိုင်ခဲ့တယ်
ငယ်တုန်းရွယ်တုန်းမှာ သွေးအစက်စက်နဲ. ကျဆုံးခဲ့ရတယ်
အို ……. အဖ ၊ ဒီလိုပေးဆပ်မှုမျိုးကို
ကြက်သီးဖြန်းဖြန်းထ ရလွန်းတယ်။

တကယ်တော့
သူရဲကောင်း ဘ၀ဆိုတာ ငွေပေးဝယ်ထားတာမဟုတ်ဘူး
အာဇာနည် အဖြစ်တွေက
သူ.နဖူးပေါ်မှာရေးလိုက်တာမဟုတ်ဘူး
လူသန်းပေါင်းများစွာရဲ. နှလုံးသားထဲမှာ
ကျောက်စာထွင်းထုလိုက်သလို ဗီဇထဲအထိ စွဲနစ်သွားတာ
မျိုးရိုးအဆင့်ဆင့်အထိ သွေးကြောထဲမှာ စီးဆင်းလိုက်ပါသွားတာ။

ဒီအဖြစ်ဒီဇာတ်လမ်းတွေက
စာအုပ်တွေ မထုတ်လည်း သိနေမယ်
ပါးစပ်တွေကို ပိတ်ထားလည်း ထုတ်လွှင့်နေမယ်
နှလုံးသွေးတွေထဲမှာ ပဲ့တင်ထပ်နေမယ်
ခင်ဗျားတို.ကျွန်တော်တို. သိနေကြသလိုပေါ့။

သူက
အမှန်ကို လုပ်ဖို. အသက်ပေးခဲ့တယ်
ခင်ဗျားတို. ကျွန်တော်တို.က
အမှန်ကို အမှန်လို.တောင်ရဲရဲ မပြောရဲဘူး
ပိုဆိုးပုံက
အမှားလုပ်သူတွေကိုပါ လက်ခုပ်တီးပေးနေရ
(မောင်ချောနွယ်ပြောသလို)
တို.တတွေ ရှူံးလွန်းလှတယ်ကွယ်။

ဒီလိုအဖြစ်တွေသာသူသိရင်
တို.စိတ်ဓာတ်တွေအတွက် ရှက်နေမှာလား
တို.ဘ၀တွေ အတွက် သနားနေမှာလား
တို.အကြောင်းတွေ အတွက် သံဝေဂရမှာလား
ငါပေးဆပ်ခဲ့တာမတန်လေခြင်းပြောမှာလား
သိလည်းသိစေချင်ပါတယ်
သူသိမှာကိုလည်း ရှက်ရတယ်။

အပိုင်း(၂) ၊ အတွေး

အမှန်တရားကို ဆစ်ပိုင်းကြည့်တဲ့အခါ
ရှုထောင့်တစ်ခုစာ မှားနေရင်လည်း အမှန်တရားမမြည်ဘူး
ရှုထောင့်တိုင်းမှာ မှန်နေရအောင်လည်း သမုတိနယ်မဟုတ်လေဘူး
ဒီတော့လည်း လူများစုရှုထောင့်ဖြစ်တဲ့
အတ္တနဲ.ပရ ထောင့်ကပဲကြည့်ကြရအောင်ပါ။

အသားထဲကလောက်က အသားကိုပြန်ကိုက်တဲ့အခါ
စနေဟာ သွေးစွန်းခဲ့တယ်
အောင်မြင်မှုကို မလိုင်လိုသဲ့ယူချင်သူတွေ ရှိသမျှ
ဒီသွေးဟာ ခြောက်သွေ.မှာမဟုတ်လေဘူး
ခေတ်အဆက်ဆက်
မစိုက်တဲ့ လက်တွေ ရိတ်သိမ်းနေသမျှ
ကမ္ဘာဟာ ပြည်တစိုစိုနဲ. ရုပ်ဆိုးနေဦးမှာပဲ။

တို.နိယာမ ကမရှုပ်ထွေးပါဘူး
သံကြိုးခတ်တဲ့ လက်ကို မချစ်နိုင်ဘူး
သံကြိုးဖြုတ်ပေးတဲ့ လက်ကိုပဲချစ်နိုင်မယ်
အားကြီးသူက အကုန်ယူစတမ်းခေတ်ဟာ
ဒီနှစ်တွေ အထိမကုန်ဆုံးသေးရင်
တို.ဟာ တိရိစ္ဆာန်ခေတ်မှာ လူဖြစ်နေရတုန်းပဲ။

လူတွေကလည်း ခက်တယ်
မျော်လင့်ချက်ပေါ်မှာ ဘ၀ကိုပုံအပ်ကြတယ်
မျော်လင့်ချက်မပါတဲ့ အလုပ်ဟာ ဆင်ကန်းတောတိုးဆိုရင်
အလုပ်မပါတဲ့ မျော်လင့်ချက်ဟာ
ရူးသွပ်မိုက်မဲမှုသက်သက်လို.ပြောရပေမယ်။

မျော်လင့်ချက်လို.ပြောမယ့်အစား
ပန်းတိုင်လို.ပြောကြရအောင်ပါ
ခင်ဗျားတို. ပန်းတိုင်ကဘာလဲ
ကျွန်တော်တို. ပန်းတိုင်ကဘာလဲ
ကိုယ့်ဘ၀ကောင်းစားရေးစာရင်
ကိုယ့်မိသားစုကောင်းစားဖို. ကပိုမကောင်းဘူးလား
ကိုယ့်မိသားစုကောင်းစားရေးစာရင်
ကိုယ့် မြို.ကောင်းစားရေးက ပိုမကောင်းဘူးလား
ကိုယ့်မြို.ကောင်းစားရေးစာရင်
ကိုယ့်နိုင်ငံကောင်းစားရေးကပို မကောင်းဘူးလား
ပန်းတိုင်က ကျယ်ပြန်.လာတဲ့အခါ
ဆုံးရှုံးစရာက ပိုပိုများလာကြတယ်။

ဆုံးရှုံးမှာကို ကြောက်တဲ့စိတ်ကပဲ တို.ကိုဆုံးရှုံးစေခဲ့
နာကျင်မှာကိုကြောက်တဲ့စိတ်ကပဲ တို.ကိုနာကျင်စေခဲ့
တကယ်တမ်းတော့ တို.ရဲ့အကြောက်တရားကပဲတို.ကိုခြောက်လှန်.ခဲ့တာမဟုတ်လား
ကိုယ့်ရဲ့အတ္တက ကြီးထွားလာတဲ့အခါ ရှုံးစရာပိုများလာတယ်
ရှုထောင့်တိုင်းကိုတွေးတဲ့အခါ ဘယ်ရှုထောင့်မှအလုပ်မဖြစ်တော့ဘူး
ဒီလိုနဲ.တို.ဟာ အကျဉ်းသားတွေဖြစ်ခဲ့
တို.လက်ကကြိုးတွေဟာ တို.ဘာသာချည်ထားခဲ့တာပါ။

သူများကြိုးကိုဖြည်ပေးချင်ရင်ကိုယ့်ကိုကိုယ် အရင်ဖြည်ရမယ်
ကြောက်ရွံ.မှုရဲ့အကျဉ်းသားတွေက အတွေးနဲ.တင်အချုပ်ကျနေကြတယ်
သမိုင်းဖြစ်စဉ်တွေက တကယ်တော့ မထူးဆန်းပါဘူး
ကြောက်သွားအောင်လုပ်မယ် ကျွန်ပြုမယ်
ခေတ်အဆက်ဆက် ဒီအတိုင်းပဲ
ခဏတာကြောက်မိသူဟာ တစ်ဘ၀စာကျွန်စာရင်း
ဆွေစဉ်မျိုးဆက် အသွင်းခံရမယ်။

လူတစ်ယောက်ရဲ့ကျွန်ဆိုတာ တကယ်တော့မရှိပါဘူး
ကမ္ဘာမှာ အကြောက်တရားရဲ့ ကျွန်တွေပဲရှိတယ်
ကြောက်ရွံ.မှုကို ဖြတ်တောက်ရင် ဘယ်သူမှကျွန်မဟုတ်တော့ဘူး
လွတ်လပ်ခြင်းကို အသက်ထက်ချစ်ရင်ပေါ့။

အဲလိုလူတစ်ယောက်ကိုပြခဲ့ပြီ
တကယ်တော့ သူလိုလူကမရှားပါဘူး
သူလိုလူကသူလိုလူတွေကို စုစည်းခဲ့တာပါ
မိုးလေးတစ်ပေါက်က မိုးပေါက်တွေကို အစပြုခဲ့တာပါ
သူတစ်ယောက်ထဲသူရဲကောင်းမဟုတ်ခဲ့ဘူး
သူ.နောက်က အသက်စွန်.သူတွေလည်း
သူထက်မလျော့သော သူရဲကောင်းများဖြစ်တယ်။

အပိုင်း(၃) ၊ အနုံညာတ စစ်သည်တော်

သမိုင်းကိုရေးဖို.
စစ်ပွဲတွေလိုတယ်
မတရားမှုတွေလိုတယ်
တရားမျှတမှုတောင်းဆိုသူတွေလိုတယ်။

မတရားမှုတွေရှိရင် စစ်ပွဲတွေရှိလာမယ်
စစ်ပွဲတွေရှိလာရင် ဘက် ရှိရလိမ့်မယ်
သမိုင်းမှာ သင် ဘယ်ဘက်ကနေမှာလဲ။

တစ်ဘက်တည်းကကြည့်ရင် တွေးတိုင်းမှန်နေမှာပဲ
ကိုယ့်စိတ်ကိုပဲမေးကြစို.
မင်းလိပ်ပြာသန်.ပါရဲ့လား။

+++++

အနိုင်ရသူသာ အမှန်ဆိုရင်
ဒီသမိုင်းတွေကို ငါငြင်းမယ်
စာမျက်နှာတွေ ဆိုတာ အစစ်အမှန်နဲ.
ဘယ်နှစ်နေရာဝေးကွာနေနိုင်သလဲ
ကြောင်းကျိုးမမှန်တဲ့ လက်ရေးတွေနဲ.
အာရုံကိုပိတ်ဖုံးတဲ့ ကန်.လန်.ကာတွေကိုဖယ်လိုက်
အမှန်တရားရဲ့ ရုပ်ဆိုးလှသော အတွင်းသားကိုတွေ.လိမ့်မယ်
အဲဒါ သမိုင်းပဲပေါ့။

သမိုင်းရဲ့အပေါ်ယံလွှာကို ခပ်ကြမ်းကြမ်းခြစ်ဖယ်လိုက်ပါ
ဘုရင်ဖြစ်ဖို. ဖခင်ကိုသတ်သူတွေ
အာဏာအတွက် သားကိုသတ်သူတွေ
ခင်ပွန်းကို အဆိပ်ခပ်သောမိန်းမတွေ
နောက်ကျောကို ဓားနဲ.ထိုးသောအဆွေခင်ပွန်းတွေ
ရေတွက်မကုန်အောင်ပေါများခဲ့ပြီ။

ထားပါလေ
သမိုင်းမှာ ဘယ်သူတွေဘယ်လိုရေးခဲ့ရေးခဲ့
နောက်ဆုံးမှာ ဘက်နှစ်ခုပဲရှိတယ်
အမှန်တရားဘက်နဲ. အမှားတရားဘက်။

အမှန်တရားကို ဘာနဲ.တိုင်းမလဲ
ဒီလိုစကားမကပ်ကြပါနဲ.
လူဟာ လူလို နေဖို. တိုက်ပွဲဝင်သူတွေဟာ အမှန်ပဲ
အာဏာအတွက်၊ နိုင်ငံအတွက်၊
ဘာအတွက် ညာအတွက်တွေထားလိုက်စမ်းပါ
လူဟာ လူပီသဖို.တိုက်ပွဲဝင်ရမယ်။

နောက်ဆုံး အချုပ်မှာ
လူဟာ လူ.ကောင်းစားရေးအတွက် တာဝန်ရှိတယ်
လူ.အဖြစ်ကို နှိမ်ချသူတွေဟာ ရန်သူပဲ
လူကိုလူလို မသတ်မှတ်သူကိုဖယ်ရှားရမယ်
လူသားအချင်းချင်း နှိပ်စက်သတ်ဖြတ်သူတွေကို
ငါတို. ဘယ်လိုမှ ဦးမညွှတ်နိုင်လေဘူး။

+++++++

သမိုင်းကြောင်းထက်
အမှန်တရားဘက်ကို လိုက်သူတွေ
စာမျက်နှာမှာမပါသူတွေ
ရေတွက်မကုန်အောင်ရှိခဲ့လေတယ်
သူလို လူတွေပေါ့။

စာမျက်နှာများမှာ နာမည်မရှိဘူး
ကျောက်စာပေါ်မှာ ကဗ္ဗည်းမတင်ဘူး
လူတွေမသိသော စစ်သည်တော်များစွာက
ကမ္ဘာဦးကတည်းက
တို. အဖြစ်ကိုကာကွယ်ခဲ့ကြတယ်။

လူမျိုးစုမပျောက်ရေး
အရိုင်းခေတ်မှာတောင် သွေးကိုစတေးရဲရင်
ယဉ်ကျေးလေသောခေတ်များမှာ ပြောစရာမရှိလေဘူး
သမိုင်းမှတ်တမ်းတင်ရန်မဟုတ်
လူမျိုးကိုကာကွယ်ရန်သာ
လူ.အဖြစ်ကိုကာကွယ်ရန်သာ
သင်ဘာလဲဆိုတာ သင့်ကိုသင်သတ်မှတ်ပါ။

မတရားမှုကို ငုံ.မခံချင်စိတ်ရှိသူများဟာ
သမိုင်းမှာ မပါတဲ့စစ်သည်တော်တွေဖြစ်တယ်
သင့်နာမည်ကို ရေးထားမှာမဟုတ်ပေဘူး
ဒါပေမယ့်
(အားမတန်ရင်တောင်)
မျက်လုံးနဲ.တော့ အညံ့မခံကြောင်းပြရပေမယ်။

သင်ချစ်သူ
သင်လေးစားသူတစ်ယောက်နဲ. သင်တူနိုင်ပါတယ်
မျက်လုံးလေးကပဲစလိုက်ပါ
သင်ဟာ စစ်သည်တော်
ဒါပေမယ့် အနုံညာတ
အနုံညာတစစ်သည်တော်။ ။