မိုက်မဲခြင်းမြို့ရဲ့ အစွန်းတစ်ဘက်မှာ

အမှန်တရားတစ်ခု စောင့်မျှော်နေတယ်

ကြိုဆိုရေးမြူခိုးတွေဆီးကြို

ရှေ့တည့်တည့် မြင်နိုင်ဖို့ရာ ခဲယဉ်းလေတယ်

အမှောင်တိုက်မြို့တော်မဟုတ်

အလင်းရောင်ကို လျစ်လျှူရှုမိလို့

ခြေရာတိုင်းမှာ

ပျော်ရွှင်ခြင်းတွေနှင့်အတူ နာကျင်မှုတွေပါ

ငြိတွယ်လာကြတယ်

စိတ်စေရာကြိုးတွေကို ရင်ခွဲဓားနဲ့

အစိတ်စိတ်မွှန်းလို့ဖြတ်

သုညဒီဂရီအောက် အေးခဲနေတဲ့

ခံစားချက်တွေနဲ့

ရဲရင့်စွာ ရှေ့ဆက်ခဲ့

မြို့လယ်ခေါင်မှာ မီးရောင်သဲ့သဲ့

သတိလက်လွတ် တိုးအကပ်

တရစပ် အပူတွေဟပ်လို့

ငါ့ ဘုရင်မ

စစ်ပြန်ခေါက်ဖို့ အမိန့်ပေးချိန်

သည်မီးတောက် .. ငါ့ရင်ထဲကိုမှ တိုင်းခန်းလှည့်ဖို့ရောက်

မီးပန်းကွင်းတွေရဲ့ကြား

ဘယ်ညာယိမ်းလှုပ်ရှားကာ ဟန်ချက်လွဲခဲ့တယ်

ရေဓါတ် မီးဓါတ် စီးချင်းထိုးကြရာ

မီးမသေခင် ဘုရင်မ ပျောက်ခဲ့ရလေတော့

စီးဆင်းလာသမျှ ရေတွေဆိုတာ ပူလောင်လွန်းလို့

ငါ့ရင်ကိုခွဲ အသဲကိုထုတ်

မီးစာကျွေးရင်း

ပွဲသိမ်းခဲ့ရလေတယ်။             ။

မေခက်ဆူး

13 Dec 2011

(8:00 PM)