ရေငွေ့ရိုက်ခံထားရတဲ့ အင်းလျားက

သွားတိုက်ရင်းပြောတယ်…

ဒီမိုးကြောင့်သူများနှာသစ်နေရတာတဲ့။

သူ့ဝသီက

မနက်ခင်းနဲ့ပေါင်းရင်း

ငှက်တွေကိုခြောက်လှန့်နေကျ

ငါပိုင်တာ ကျွန်းလှလှလေးတစ်ခုလို့လည်း

နေဝင်ဝင်ပြတတ်သေးတယ်။

လေယာဉ်ပျံတွေလည်းမရှိဘူး

မိုင်ပေါင်းများစွာထိလည်း မစီးဆင်းတတ်ရှာဘူး

ဟိုဘက်ကမ်းရပ်လိုက် ဒီဘက်ကမ်းဝင်ရပ်လိုက်နဲ့

ယဉ်ယဉ်လေးကူးခတ်ပြနေကျ…။

နွေနှောင်းရွက်ကြွေတွေစားသုံးရင်း

အသက်ရှည်ခဲ့တာလည်း ကြာပေါ့

သူကပြောသေးတယ်

မြစ်တွေအကြောင်းတော့

ကောင်းကောင်းနားမလည်ဘူးတဲ့။

ငါ့ကိုလွမ်းနေကြပါလို့

ဂယက်တွေ ထပြတုန်းကတော့

နာရီကိုမုန်းသူအဖြစ်

(ငါလည်း)

တံတားဖြူကနေ လက်ပြခဲ့တယ်။

နေပိုင်