အိပ်မက်ထဲ ခန္ဓာကိုယ်ပေါ် မြွေတစ်ကောင် တွားတက်လာသလို
ထရံပေါက်ထဲတိုးဝင်နေတဲ့နေရောင်ခြည်ကို သွေးရူးသွေးတန်း ဖမ်းဆုပ်လိုက်သလို
ဘာမှမဟုတ်တဲ့ကိစ္စဟာ ကျွန်တော့်ခေါင်းကို တဆစ်ဆစ်ကိုက်ခဲနေတယ်

သူများမိန်းမရွှေတွဲလွဲငွေတွဲလွဲကိုကြည့်ရင်း အမေက အဖေ့ကို ဗျစ်တောက်ဗျစ်တောက်ဟာ
ဘာမှမဟုတ်တဲ့ကိစ္စ
သူများသားသမီးဆုရဓာတ်ပုံတွေကြည့်ရင်း အဖေက ကျွန်တော်တို့ကို ငေါက်လိုက်ခြောက်လိုက်ဟာ
ဘာမှမဟုတ်တဲ့ကိစ္စ
ဘ၀ဆိုတာ ကဗျာမရေးနိုင်ရင် ဘာမှမဖြစ်ပေမယ့် နေထိုင်မကောင်းရင် ဆေးဖိုးကုန်မယ်
ထမင်းအိုးကွဲမယ်ဆိုတဲ့မိန်းမတစ်ယောက်ရဲ့ ကဗျာဆရာအပေါ်ထားတဲ့အချစ်စိတ်ဟာ
ဘာမှမဟုတ်တဲ့ကိစ္စ
ဖျင်းတဲ့လူက ငွေရှိလို့ လူတော်ဖြစ်သွားပြီး တော်တဲ့လူက ငွေမရှိလို့ လူညံ့စာရင်းဝင်သွားတဲ့ပညာရေးဟာ
ဘာမှမဟုတ်တဲ့ကိစ္စ
ဘယ်တုန်းက ဘယ်သူကတော့ သိန်းဘယ်နှရာမပေးနိုင်လို့ အဲဒီနေရာမရခဲ့ဘူးဆိုတာ
ဘာမှမဟုတ်တဲ့ကိစ္စ
ဟိုမိန်းမတွေရဲ့ဟိုဖော်ဒီဖော်ကြောင့် သူတို့ရဲ့အနုပညာ လူကြိုက်များတာဟာ ဘာမှမဟုတ်တဲ့ကိစ္စ

ဘာမှမဟုတ်တဲ့ကိစ္စဟာ တစ်ချက်ခေါက်ခံရတာ မကျေနပ်လို့ နှစ်ချက်အခေါက်ခံပစ်လိုက်တယ်
ဘာမှမဟုတ်တဲ့ကိစ္စဟာ လက်လုပ်လက်စားဆင်းရဲသားတွေကိုမစာနာတတ်တဲ့လူကြီးလူကောင်းတွေအောက်
ရောက်နေတယ်
ဘာမှမဟုတ်တဲ့ကိစ္စဟာ လူတစ်ယောက်လို နေထိုင်ပြီး လူတစ်ယောက်လို ရှင်သန်ဖို့ တောင့်တနေတယ်

အခု . . . . .
ဘယ်လောက်တန်တယ်မသိတဲ့နှစ်ရာနဲ့ ဘာမှမရှိတဲ့ခွက်ထဲကလဘက်ရည်ကို သောက်လို့ရတယ်
ဘယ်သူမှမရှိတဲ့ခွေးခြေပေါ် ဘာကောင်မှမဟုတ်တဲ့လူတစ်ယောက် ၀င်ထိုင်ပြီး
ဘာမဟုတ်တဲ့မနက်ဖြန်ကို ငေးကြည့်တော့ ဘာကိုမှ မမြင်ရဘူး
အခု . . . . .
ဘာမဟုတ်တဲ့လူတစ်ယောက်ရေးတဲ့ ဘာမှမပါတဲ့ကဗျာကို ဘာမှမရှိတဲ့ခင်ဗျားတို့က
ဘာကြောင့်ဖတ်တော့ ဘယ်လိုဖြစ်သလဲ

                                                                                             ကိုသျှား