ငါတစ်ယောက်တည်း တစ်လမ်းဝင် တစ်လမ်းထွက်
ငါတစ်ယောက်တည်း တစ်ဆိုင်ဝင် တစ်ဆိုင်ထွက်
ပျို့တက်လာတဲ့တမ်းတစိတ်က လည်ချောင်းထဲမှာ နင်နေတယ်
ငါ ဘယ်လို အော်ခေါ်တိုင်တည်လိုက်ရမလဲ

ဟောဒီကမ္ဘာမြေပေါ်မှာ နှစ်တစ်နှစ်ကျရောက်ကုန်လွန်ခဲ့တာဟာ
မင်းနဲ့ငါ တစ်နှစ်စာပိုဝေးခဲ့ရတယ်လို့ သက်သေပြတာပဲ
ဟောဒီကမ္ဘာမြေပေါ်ကျရောက်လာမယ့် နှစ်တစ်နှစ်ဟာ
မင်းနဲ့ငါ တစ်နှစ်စာရှင်ကွဲနာကျရဦးမယ်လို့ ကြိုတင်နိမိတ်ဖတ်တာပဲ

ငါမရှိတုန်း ရှည်လျားနေမယ့်မင်းရဲ့ဆံနွယ်တွေအကြောင်း
ငါ့ရင်ထဲ ယိမ်းထိုးမျောလွင့်နေတယ်
ငါမရှိတုန်း ကွဲအက်တုန်ခါနေမယ့်မင်းရဲ့ရယ်သံလွင်လွင်လေးတွေအကြောင်း
ငါ့ခေါင်းထဲ ချာချာလည်နေတယ်
ငါမရှိတုန်း နာကျင်မောဟိုက်နေမယ့်မင်းရဲ့အားငယ်စိတ်တွေအကြောင်း
ငါ့ဘ၀ထဲ ထိမှန်ပေါက်ကွဲတယ်

ညီမလေးရေ . . .
လွမ်းတယ်
ဒီထက်ပိုပြီး အသက်ရှုမမှားနိုင်တော့ဘူး
အခုလို လူသူစည်ကားနေချိန်မှာတောင်
လူမှန်းသူမှန်းမသိအောင် လွမ်းနေတုန်းပါပဲကွယ်

နှစ်တစ်နှစ်ရဲ့နောက်ဆုံးည ဆယ့်နှစ်နာရီတိတိလမ်းပေါ်မှာ
ငါ တစ်ယောက်တည်း . . .
ငါ တစ်ယောက်တည်း . . .
ငါ တစ်ယောက်တည်း . . .
အသံကုန်အော်ဟစ်ပေါက်ကွဲမိတော့မယ်
ပျို့တက်လာတဲ့တမ်းတစိတ်က လည်ချောင်းထဲမှာ နင်နေတယ်

                                                                      ကိုသျှား