အသည်းကိုကစား ပြုစားခဲ့သော်လည်း

ပစ်မုန်းမထင် အချစ်ဆုံးဟုပင်

မှတ်ထင်ထားတယ် ထားသခင်……။ ။

ဆုံးဖြတ်ရခက်တယ် မင်း ချစ်ခဲ့တယ်လို့

မြင်ရပေမယ့် ဝေးခဲ့ရတဲ့

ဒီ မောင်မှာ ဖြေ ပြေနိုင်စရာရယ်မရှိ…..။ ။

ခြေရာတွေ ရပ်တန့်မသွားပေမယ့်

မမှီလိုက်တဲ့သူရဲ့ ဆင်ခြေတစ်ချို့မှာ

အားငယ်မှုတွေ ထိုးထွက်နေခဲ့ပေါ့

ငါ အပြုံးတော့ မပျက်ခဲ့ဘူး…..။ ။

ရပ်စောင့်နေမယ်လို့ မယုံကြည်ပေမယ့်

စောင့်ငဲ့အကြည့်တွေတော့ လိုချင်မိတယ်

ဘာပဲဖြစ်ဖြစ် ငါအားတက်ချင်လို့ပါ ထားရယ်…။ ။

ဘာလိုလိုနဲ့ တစစကွဲကွာ

စွန့်ခွာသွားသူတွေကို ရပ်စောင့်နေသူအချို့

ကျန်ခဲ့တယ်၊ ရှိနေသေးတယ်ဆိုတာ

“ထား” သိနိုင်မယ်ဆိုရင်…..

ငါ အားမလျော့ဘူး ရပ်စောင့်နေမယ်

ရပ်စောင့်မိနေအုံးမယ် ထားသခင်…..။ ။