လွန်မြောက်မှု့မှ
လွတ်မြောက်သွားသောအခါ
စိတ္တဇနာမ်တစ်ခု
ကျန်ကောင်းကျန်နေနိုင်သည်။
သီဆိုသူများသီဆိုနေသလို
တီးမှုတ်သူများတီးမှုတ်နေကြခြင်းမှာ
အခန်းတစ်ခု၏
တစ်ခုတည်းသော
ရင်ချင်းဆက်တံခါးပေါက်လည်းဖြစ်သည်။
ကံတရားသည်
လှို့ဝှက်နံပါတ်မေ့နေသော
မီးခံသေတ္တာတစ်လုံးဖြစ်၏။

ဒုတိယနှစ်….
ဒုတိယလ…….
ဒုတိယည ဖြစ်သည်။
မျက်နှာကျက်တွင်ချိတ်ဆွဲထားသော
လကိုဖြုတ်ကာ
အသစ်လဲလိုက်၏။
ထူးထူးခြားခြားပင်ပိုမှောင်နေ၍
ကျွန်တော်နှင့်သူမအကြောင်းကို
မတွေးတော့ဟုဆုံးဖြတ်ကာ
မီးခိုးငွေ့တို့ ၏ကောက်ကြောင်းကိုငေးနေလိုက်သည်။
ပူလောင်အိုက်စပ်လှသောအိပ်မက်တို့ မှ
မဆွဲရသေးသောပန်းချီကားတစ်ချပ်ကို
ထုတ်ယူကာမီးရှို့လိုက်ပြီး
ချက်ခြင်းပင်ကျွန်တော်လှည့်ပြန်လာသည်။
ကျွင်းကျန်ရစ်နေခဲ့ပြီးသော
ပြာမှုံအကွဲအစတို့ ၏ရယ်မောသံသည်
သူမနှင့်ကျွန်တော်အကြောင်း
တဖန်ပြန်ဖြစ်နေသည်ကို
ဘယ်သောအခါမှသိနိုင်တော့မည်မဟုတ်ချေ။

ထီးပါလာသောနေ့ တနေ့ တွင်
မိုးကိုသတိမရဘဲနေနိုင်သော်လည်း
မိုးပါလာသောနေ့ တနေ့ တွင်
ထီးကိုသတိမရပဲနေနိုင်မည်လားသိချင်သည်။
သောက်နေကြရာသီပင်ယနေ့ ပိုအေးနေသည်။
ခုံလွတ်သည်ထင်၍သူမဘေးတွင်ဝင်ထိုင်လိုက်သောအခါ
“မင်းသာမရှိရင် ငါတို့ဟာ နှစ်နားညီတြိဂံတစ်ခု
ဖြစ်လာမှာ မဟုတ်ဘူး “
ဟူသော ပြဇာတ်ထဲမှမင်းသားအသံကိုကြားလိုက်ရသည်။
ကျွန်တော်ကတော့
ဗဟိုမရှိသောစက်ဝိုင်းတို့ ကိုသာ
အထပ်ထပ်ရေးခြစ်နေမိသည်။

ထိုနေ့ ညနေခင်းသည်
လိုသည်ထက်ပို၍လှပလွန်းနေသည်ဟုထင်သည်။
သေပန်းပွင့်သည်ဆိုသော
ပေါင်းစပ်နာမ်တစ်ခုအား
သူမမျက်ဝန်းကိုတစ်ရွက်ချင်းလှပ်ကာရှာနေမိ၏။
ညသည်စိုရွှမ်းနေသောအမှည့်လွန်သစ်သီးတစ်လုံးဖြစ်ခဲ့ပါလျှင်…
ပြောလက်စပုံပြင်ကိုအပြီးတိုင်ရပ်ဆဲလိုက်သည်။
ဟိုးရှေးရှေးတုန်းကသူမနှင့်ကျွန်တော်ရှိခဲ့ဖူးသည်။

                                                                terry(28.5.2012…1.6.2012)