ကိုယ့်ဘဝကိုယ်ဆောက်တာပဲ

ဘယ်သူ့အတွက် ထစ်ချုန်းပြရအုံးမှာလဲ

သူလိုကိုယ်လိုပွင့်ပြဖို့ပဲ

အဖူးဘဝတည်းက အချိုးခံလိုက်ရတာ

နာ . . . . . . . . . .  တယ် ။

ရိုးရိုးစင်းစင်းပွင့်ခဲ့တာပါ

အဲဒီအကြည့်မှာ

ဆူးပါသွားတာတော့

သူတို့ အခူးမတက်လို့နေမှာပေါ့  ။

ကောင်းကင်လိုမျက်နှာနဲ့လူတွေ

အပြုံးတွေဖောဖောသီသီနဲ့

သူတို့ငုံ့ကြည့်ဖို့ပဲ

ငါ့မြေကနိမ့်ပေးရအုံးမယ် ။

စိတ်ဓာတ်တွေ အဖတ်လိုက်

ကွာကျပြန်ပြီ . . . အမေ

သူတို့တက်ဖို့ ကျွန်တော်က အနင်းခံရအုံးမယ်တဲ့

ဟိုတုန်းကလိုပဲ . . .

ယဉ်ကျေးလိမ္မာစွာ ပန်းပွင့်ရအုံးမယ်တဲ့လား ။

ကဲ . . . လက်ဆွဲနှုတ်ဆက်လိုက်ရအောင်

ပန်းပွင့်လိုမျက်နှာမျိုးနဲ့

ဘူတာရယ် . . .  အိမ်အိုရယ်

အဲဒီနေ့မှာပဲ ကျွန်တော်မြို့ကို ကျောခိုင်းခဲ့တယ် ။

ကျွန်တော် ထူထူထဲထဲပဲ

ဘဝကို စိန်ခေါ်ချင်ပြီ . . .  အမေ ။   ။

နတ်သမီး