ဒီလိုပါပဲ  .  .  .  ရူးရူးနှမ်းနှမ်းငေးကြည့်ခဲ့ရတဲ့ နေ့ရက်တွေမှာ  ဘယ်အရာကိုမှ (စိတ်လိုက်မာန်ပါ)

တရားနဲ့ဖြေကြည့်လို့မရဘူး/သေးဘူး . . . ညံ့ဖျင်းလှပါတယ်ဆိုတဲ့  ဒီ၂၁ရာစု ပန်းချီကားချပ်ကြီးထဲမှာ

ကိုယ့်ဇတ်ကိုယ်တောင်  ဆေးလှလှခြယ်သုတ်ခွင့်မရတဲ့အခြေအနေမှာ . .  ဆေးစက်ကျရာ

ကပြဖို့ဆိုပြန်တော့လဲ .  .  .  ကိုယ့်အလှည့်ကျမှ ကံကြမ္မာက “အ” / “န”   နေပြန်ပေါ့

လိုတာထက်ပိုပြီး  ခမ်းနားကြီးကျယ်ခဲ့မှု့မှာ အရာရာဟာ  မပေါ့မပါးရှိနေခဲ့တယ် ကဗျာ

(စကားမစပ်) ကောင်းကင်နဲ့အပြည့်  .  .  .  အရိပ်မိုးပေးချင်တယ်ဆိုတာတော့

တဆိတ် . . ခင်ဗျား အရိပ်က ဈေးကြီးလွန်းနေတယ်မထင်ဘူးလား .  .  .  .  နောင်ကြီး

ဆူးခင်းလမ်းပေါ်မှာ အိပ်မက်တွေ ကြွတ်ရွသွားအောင်ကို နွေဦးပေါက်ရာသီက

လှပလွန်းတယ်ဆိုတာထက် .  .  .  .  .  .  .  .  .  .  .  ပို .  .  .  .  လှတယ်

အကျယ်ကြီးအော်ပြောလိုက်ရအောင်လည်း အဲဒီနေရောင်ခြည်ကထွက်မလာဘူးဆိုတော့

ခဏလောက်ဖြစ်ဖြစ် ကဗျာထဲမှာထွန်းလင်းခွင့်ပေးလိုက်ရအောင်လား .  .  .  ကဗျာ

ကြီးမားလွန်းတယ်ဆိုတဲ့ကိစ္စတွေက လက်တွေ့မှာ ကြီးမားလွန်းတယ်ဆိုတာထက် (ပို) ကြီးမားနေတယ်

သဘာဝတရားကြီးကို  ငြီးငွေ့လာတယ်လို့ ခံစားမိတဲ့အခိုက်အတန့်လေးမှာ .  .  . တစ်ချောင်ချောင်မှာခွေပြီး

ကိုယ့်ကိုယ်ကို သေးငယ် ၊ ကျုံ့ဝင်ပစ်မိတယ် (အဲဒီရုပ်ရှင်မှာ . . ကိုယ့်နာမည် စာတန်းထိုးခွင့်မရတာ ဘယ်လောက်ကြာခဲ့ပြီလဲ)

တကယ်တော့ ရိုးသားတယ်ဆိုတဲ့ စကားလုံးတွေရဲ့နောက်ကွယ်မှာ မာယာဘယ်နှစ်ကျပ်သားပါသွားလဲဆိုတာ

သင်/သူ/ကျွန်ုပ် ဘယ်လိုမှ ခန့်မှန်းလို့မရဘူးဆိုတာ ခင်ဗျားတို့ ခန့်မှန်းမိကြမယ်လို့ထင်တယ်

တကယ်ပါ သူဆိုတာ ကဗျာတစ်ပုဒ်ထက်ပိုပြီး ကဗျာဆန်ချင်တဲ့သူပါ

တကယ်ပါ ကျွန်တော်ဟာ အချစ်ကိုအမေးပုစ္ဆာတစ်ပုဒ်လို အဖြေထုတ် မတွက်ချက်ချင်တဲ့ ကောင်ပါ

ဒီလိုပါပဲ/ဒီမှာပဲ ထားခဲ့တော့မယ်ဆိုတဲ့အရာတွေကပဲ သဘာဝတရားနောက် ကောက်ကောက်ပါအောင်

လိုက်လံနှုတ်ဆက်နေတာ ကျေးဇူးပြုပြီးရပ်တန့်မှုတွေကို ရပ်တန့်ထားလိုက်ပါတော့

ရပ်တန့်မှုထဲကနေ ခင်ဗျား/ကျွန်တော်ကိုယ်တိုင် ရုန်းထွက်လိုက်ပါတော့ .  .  .  .  ဆိုတော့

ဖြစ်ချင်တာထက် ဖြစ်သင့်တာတွေအတွက် အသက်ရှုရတာ ပို(ပို) ခက်လာတယ်

တော်ပါပြီ  .  .  .  .  တော်ပါပြီ  .  .  .  .  တော်ပါပြီ  .  .  .  . 

တော်ပါပြီလို့ပြောပြောပြီး  .  .  .  .  .  ကဗျာထဲဝင်ဝင်ချလာတဲ့ သက်ပြင်းကိုလဲ

ကဗျာထဲမှာပဲရပ်တန့်ထားလိုက်တော့မယ် .  .  .  .  (နောက်လူတွေဆက်ချပါစေ)

အသက်ရှုရခက်တဲ့စကားလုံးတွေကို နေ့စဉ် ရှုရှိုက်/စားသုံး/ဆော့ကစား ရတာ

ဘဝကြီးဆိုတာ ပျင်းရိငြီးငွေ့ဖွယ်ကောင်းတဲ့ သဘာဝတရားကြီးလား .  .  .  ကဗျာ

ကိုယ့်နာမည်ကိုယ် ကွင်းစကွင်းပိတ်ထဲပြန်မြင်ခွင့်ရတဲ့တစ်နေ့ အရာရာဟာ တကယ်ကိုအေးချမ်းပါပြီ ကဗျာ ။    ။

နတ်သမီး