တိတ်ဆိတ်ခြင်းဟာအမှောင်ကိုချုပ်နှောင်လို့

ကောင်းကင်ချည်တိုင်မှာ မလှုပ်မယှက်

သုံးလွန်းတင် တိမ်သားပုခက်နဲ့

ဝေဒနာခေါင်းအုံးအိပ်စက်ခြင်း

သူတော်စင်တို့ ခေါင်းလောင်းသံကြားလျှင်

. . . ငါ့အားနှိုးလှည့်

မှော်ဝင်ဆောင်းမှာ သာတဲ့လမို့

မဟော်ဂနီ သွေးရောင်လွှမ်းခြုံ

အတ္တကို ပုံတူကူးရင်း

နက်သထက်နက်ခဲ့ ဒဏ်ရာ

စိတ်ဆိုတာလဲ . . . အမာရွတ်ပရပွနဲ့ ။

အံလွဲနိမိတ်တွေနဲ့ ချည်နှောင်

ဒါဟာ သင်းကွဲယဇ်တိုင်ကွဲ့

သြော် . . . ညတွေ ညတွေ

ကိုယ့်အမြီးကိုယ် ပြန်မြိုရတဲ့

ညတွေ . . .

ကိုယ့်ပါးစပ်ကိုယ် ဖန်ရည်ဆိုးတဲ့

ညတွေ . . .

ကိုယ့်လျှာနဲ့ကိုယ် ခလုတ်တိုက်တဲ့

ညတွေ . . .

. . . ညတွေ . . . ညတွေ ။

မျက်လုံးတွေနဲ့စကားမပြောလိုလို့

မှုန်မှိုင်းထားပါတယ်ဆိုမှ

မလွယ်ပေါက်က ချောင်းကြည့်ချင်ကြသေးတယ်

ခရားရေလွှတ် စကားသေတွေတလဟော

ဆာလောင်လွန်းတဲ့ မနက်ဖြန်ကိုလဲ

မျက်မှန်တပ်ပေးရတော့မယ် ။

ဝေဖန်ပါ ပုတ်ခတ်ပါ ပြောပါ ဆိုပါ

ပွင့်ပြီးသားပန်းတို့ ပြန်လည်မဖူးငုံသလို

နောက်ပြန်လျှောက်ဖို့စဉ်းစားတိုင်း

စီးခဲ့တဲ့ဖိနပ်ကိုအားနာ

ဆူးပန်းတို့ပွင့်စေ . . . လန်းစေ ။

လှဲကျင်းဖယ်ရှားလိုစိတ်တခုတည်းနှင့်

အမှိုက်ဟုခေါင်းစဉ်တပ်သူများ

ဖက်လှဲတကင်း မရှိလိုတော့ပါ

အစွယ်ဝှက်တတ်တဲ့ ဟော့ဒီအညတရကောင်က

မာန်ဖီရုံ သက်သက်တော့

ဘယ်တော့မှ ပါးစပ်မဖြဲဘူး ။

ကောက်နှုတ်ချက်ကြမ်းကြမ်းတွေနဲ့

အနမ်းခံရတဲ့ပါးတဖက်

ကြေးမုံပေါ်က ပုံရိပ်ယောင်တွေလို

အရာရာ မှား . . . ယွင်း

အမှန်တရားဟာ ကိုယ်ကလွဲလို့

ကိန်းအောင်းတယ် . . . ။

ကျူးကျူးကျော်ကျော်

အိပ်မက်တွေကိုမှ အပိုင်သိမ်းလိုတဲ့

ဝတ်ကျောင်းသူရေ . . .

မနက်ဖြန်အားလုံးထည့်ပေးလိုက်သည်

ဆောင်းနှောင်းလေ အလျင်နဲ့

လာရာလမ်းကို ခြုံပြီးပြန်

မနက်ဖြန်မှာ မနက်ဖြန်မရှိတော့ဘူး . . . ။

စီးကရက်မီးခိုးတွေလို မှုန်ဝါးတိုးသက်

အနက်ရောင်များများ ဆံပင်ဖားလျားည

လမ်းနဲ့လူ တသားတည်းစီးမျော

အချစ်က မှော်ဆရာလက်ဖ၀ါးတွေလိုပဲဆိုတော့

ပင့်သက်ရှိုက်ပြီး ရယ်တယ်

အဲ့ဒီည ပေါ့ . . . အနက်ရောင်များများ ည ။

နာရီလက်တံလိုလူများသာခံစားနိုင်တဲ့

ကြယ်စင်တသိန်း ကပွဲ

အိပ်ကပ်ဟောင်းလောင်းကို ပုတ်နေပုံများ

မသာကား ဖြတ်သွားသလိုလို

ဒီလိုပါပဲ . . . ခပ်လှမ်းလှမ်းကရပ်ကြည့်

ဘယ်သူစိုက်သွားတယ်မသိဘူး

အိမ်ပြန်ရောက်တော့

ရင်ဝမှာ ပေါက်ဓါး တလက် ။

လွဲချော်ခြင်းဟာ ၀တ်ကောင်းစားလှတွေနဲ့

အိမ်ဦးခန်းမှာခြေချိတ်

ယဉ်ကျေးမှုဆိုတာကြီးသာမထွန်းကားခဲ့ရင်

ရိုင်းစိုင်းခြင်းခေါင်းစဉ်အောက်မှာ(ခုလို)

နေရမှာမဟုတ်ဘူး ။

ချပ်ဝတ်ဆင်လေညှင်းနဲ့ ကိုယ့်ဇက်ကြိုးကိုယ်ဆွဲ

တိုက်ပွဲ ပြင်းပြင်းဝင်နေရသူမို့

အချိန်မှန်မရောက်နိုင်လဲ စောင့်နေစေချင်တယ်

တိုအရာ . . . တိုအရာအားလုံး

မြောက်လေအပြန်မှာ သဂြိုဟ်မှာမို့ . . . ။