အရုဏ်မိုးသောက်
နေမင်းတောင်ရောက်လို့လာပြီ
မနေ့ကအိပ်မက်တချို့
သေဆုံး…
ယနေ့အိပ်မက်တစ်ချို့
အသက်ပြန်သွင်း…
ရှင်သန်ခြင်းဆိုတာက
ငါ့လက်ထဲမှာ
အလွယ်လေးလိုပါပဲလား။

မျှော်လင့်ချက်တွေတဖွဲဖွဲ
နေပူကျဲတဲကြီးမှာ
ငါ့တစ်ကိုယ်လုံးရွှဲလို့…
သည်းလိုက်စမ်းပါလေ
ကောင်းကင်ကိုမော့ကြည့်ပြီး
တစ်ဝကြီးပြုံးပြမယ်
ငါ့ကိုမျက်မုန်းကျိုးရင်
မိုးကြိုးနဲ့သာ
ပစ်ချလိုက်စမ်းပါကွယ်။

သစ်ရွက်တွေကြွေကျတာ
အတော်လှသတဲ့
ငါမျက်ရည်မြေခတာပါ
သူသဘောကျခဲ့ပါသလား…။

ဝေး…ငါတို့ဝေးကြမယ်ချစ်သူ
နောက်တစ်ကြိမ်ပြန်တွေ့ကျရင်
တစ်ယောက်ကိုတစ်ယောက်
မမှတ်မိတော့သည်အထိ။

ဘယ်လိုချွင်းချက်တွေကြောင့်
ငါ..
မင်းရင်ဘတ်မှာနေရာမရခဲ့။
အစိမ်းရောင်ချယ်
မင်းမျက်ဝန်းတွေကြားမှာ
ငါ့လိပ်ပြာလေးသိမ်ငယ်။

နက်ဖြန်ခါ
အလွမ်းကျောင်းမှာ
ငါ့ကိုယ်ငါသွားအပ်မယ်
အတန်းချိန်သိပ်မများပါဘူး
တစ်နေ့မှာ ၂၄ နာရီထဲရယ်ပါ…။

အိ
နိုဝင်ဘာ ၂၇၊၂၀ဝ၇