စိတ်တံခါးကိုတွန်းဖွင့်လိုက်တိုင်း သက္ကရာဇ်ဝတ်ရုံအောက်မှာ

ရှုမျှော်ခင်းတွေ ညှီစော်နံတယ်

ကမ္ဘာဦးအပျိုစင်လို လောကရဲ့စီရင်ချက်မှာ

အရှက်တရားဟာ ကွယ်ဝှက်ခဲ့ ။

စက်ရုပ်လိုရှင်သန်မှုမျိုးနဲ့ အဝေးထိန်းခလုတ်တွေရဲ့ကြားမှာ

ဘဝက ချဉ်စော်နံတယ်

တစ်မျှော်တစ်ခေါ် အနာဂတ်အသေတွေကြားမှာ

အမှန်တရားဟာ ပျောက်ရှခဲ့ ။

ချွတ်ချော်ခြင်းမိစ္ဆာ ဝင်စားတဲ့အမှောင်အောက်

စိမ့်အေးထက်ရှ ကြယ်အခိုးတွေအန်ကျတဲ့အထိ

အလင်းစတွေကိုသိမ်းထုပ်ရင်း

 မရှိဘဝတွေ သေပန်းပွင့်တဲ့ည ။ 

မှားယွင်းမှုနတ်ဆိုး ပျော်မြူးတဲ့အမှောင်အောက်

ကောင်းကင်တစ်ခြမ်းပြိုကျတဲ့အထိ

ကိုယ့်ဆန္ဒကိုယ် ငြိမ်းမှုတ်ရင်း

အလင်္ကာမဲ့ဘဝတွေ ဆောက်တည်ရာမဲ့တဲ့ည ။ 

ဘဝတစ်ခုအတွက် အသက်တစ်ခုရင်း

နဂါးနူတ်ခမ်းပေါ်က တိမ်တစ်စလို

ကွဲအက်မှုန်ရီ လဲ့ပြာမှိုင်းဝေတဲ့အထိ

သတ်ကွင်းမှာပျော်နေရတဲ့ လှံဖျားပေါ်ကဘဝတွေ ။

ရှင်သန်မှုတစ်ခုအတွက် ဘဝတစ်ခုချနင်း

နောက်ဘဝတစ်ခုမှာပျော်တဲ့ ဝင်ကစွပ်လို

မျှော်လင့်ချက်တွေ ခါးကုန်တဲ့အထိ

မှော်ရုံတောမှာပျော်နေရတဲ့ ကြိုးတန်းပေါ်ကဘဝတွေ ။

လောကဓံအဆိပ် တဖိတ်လဲ့လဲ့အောက်

အမြစ်ဖြတ်ခံရတဲ့ သစ်အိုပင်လို

ဘဝအညွန့်တွေ မဝေနိူင်မှတော့

မျှော်လင့်ခြင်းအခက်တွေလည်း မစည်နိူင်တော့ပါဘူး ။

ဒုက္ခအရောင် တောက်တောက်တွေအောက်

အတောင်ကျိုးတဲ့ ငှက်လို

အမြင့်မပျံနိုင်မှတော့

အောင်မြင်ခြင်းတေးသွားလည်း မကျုးရင့်နိုင်တော့ပါဘူး ။

နေကွယ်လကွယ်တဲ့ ညတစ်စင်း

မှောင်မိုက်ခြင်းနဲ့ပဲ လက်ထပ်ရတော့မယ်

တကယ်ပါ အလင်းသစ္စာရေ

အိမ်မက်ရဲ့ရောင်ခြည်ဦး အခါခါဖူးခဲ့ကြပေမယ့်

ငါတို့ဘဝတွေမှ အလင်းမရခဲ့ကြတာ ။

နေကွယ်ညရထားတစ်စင်း

ပြီးဆုံးခြင်းဘူတာဆိုက်ရောက်ရတော့မယ်

တကယ်ပါ ဘူတာအိုလေးရေ

မျှော်လင့်ချက်အလင်းရောင်လေး အခါခါရှင်သန်ဖူးပေမယ့်

ငါတို့ဘဝတွေက လွန့်လူးခွင့်မှမရှိတာ ။

ညီလင်းနိူင် + နတ်သမီး