မာယာ
ဟောဒီ သက္ကရာဇ်ရဲ့ ခုတ်ထစ်ထားတဲ့ နှစ်ကာလများကိုလေ
မင်းမမေ့ပစ်လိုက်ပါနဲ့
ငါဟာ မှောင်မိုက်မြဲ မှောင်မိုက်ဆဲဆိုတာ
ငါဟာ တိတ်ဆိတ်မြဲ တိတ်ဆိတ်ဆဲဆိုတာ
မာယာ
အလွမ်းဟာ ငါတီးတိုးရွတ်ဆိုသော မင်းရဲ့နာမ်စားဖြစ်နေပေါ့
ငါတို့ရဲ့နာရီတွေဟာ ပျံသန်းရင်း ပျက်ကျခဲ့
စိတ်တွေ ကြေမွနေတဲ့အခန်းထဲ
ငါမျက်ကန်းရဲ့ အတွေးတွေ တစစီ
အဲဒီလို ငါ့ အနေအထား
အဲဒီလို ငါ့ ကံတရားဟာ
ဆွံ့အမီးအိမ်နဲ့ ရှာဖွေနေတဲ့ အမှန်တရားလားကွယ်
ဒီမှာ ကုန်လွန်ခဲ့တဲ့ ရက်၊ နှစ်၊လ အပိုင်းအစတွေ
ဒီမှာ ပဲ့ကျနေခဲ့တဲ့ ဘ၀၊ မျက်ရည်စတွေ
ဒီမှာ
သေရာပါမယ့် အမှတ်အသားကို ထွင်းထုလို့
လောင်ကျွမ်းနေတဲ့ မြင်ကွင်းတွေကို သိမ်းဆည်းလို့
ငါနေထိုင်ရာအရပ်ဟာ
မင်းမသိ၊ မမြင်တော့တဲ့ မုန်တိုင်းတည်ရာဖြစ်တယ်
အခု မင်းနဲ့ ပတ်သက်သမျှ စိတ်အပိုင်းအစတွေဟာ
ကမ်းခြေတစ်ခုလုံးကို ဖုံးလွှမ်းလို့
ထိရှနေရတဲ့ နာရီတွေ
ကမ်းရိုးတမ်းတစ်ခုလုံးကို ဆိုက်ကပ်ထားကြတယ်
မာယာ
တချိန်လုံးတိုက်စားခံရတဲ့ ကမ်းပါးတွေနဲ့ပဲ
မြစ်တစ်စင်းရဲ့ ရာဇ၀င်ကို
အလှပဆုံးရေးဖွဲ့ပေးခဲ့ပါတယ်
ဈင်မင်းဧ
Comment #3
မာယာ . . မာယာ 🙂

Comment #4
အကို . . .
ရေးဟန်က ပြောင်းမလာသေးတာကို သတိထားမိတယ်
ဒီဆိုဒ်ကို အကို ရောက်လာတဲ့အတွက်
လှိုက်လှိုက်လှဲလှဲ ကြိုဆိုပါတယ်
ဒီမာယာကဗျာက ကျွန်တော်တို့အရင်စာအုပ်ထဲက
မာယာတော့မဟုတ်ဘူးနော်
အရမ်းလှပတဲ့မော်ဒန်ကဗျာလေးတစ်ပုဒ်လို့ ပြောချင်ပါတယ်
ချစ်ခင်လျှက် . . .
ကိုသျှား

Comment #1
မာယာ
တချိန်လုံးတိုက်စားခံရတဲ့ ကမ်းပါးတွေနဲ့ပဲ
မြစ်တစ်စင်းရဲ့ ရာဇ၀င်ကို
အလှပဆုံးရေးဖွဲ့ပေးခဲ့ပါတယ်