အပြင်ဘက်က အပူနဲ့
ရင်ထက်က အပူ
မထူးခြားတဲ့နေ့
နာကျည်းမှုတွေ တမြေ့မြေ့တောက်ပ

အတ္တနှစ်ခုရဲ့ ဇာတ်သိမ်းခန်းမှာ
အလွမ်းမပါ
အနမ်းမပါ
ကိုယ့်ဆူးကို ကိုယ့်ဘာသာမနှုတ်ပယ်ခြင်းက
ရင်ခုန်စရာတွေ လမ်းကျဉ်းခဲ့ကြပေါ့

ပြဒါးတစ်လမ်း သံတစ်လမ်း တီးခတ်မှုက
ဘယ်လိုမှ နားဝင်ပီယံ မဖြစ်မှတော့
တီးလုံးတွေချည်း တစ်ဖက်သတ်ထွက်နေတဲ့
အဲဒီကက်ဆက်
အိပ်မက်တွေ လေဖော့ပစ်ကြတာကောင်းတယ်။

ကွဲစမ်း(အတိတ်ကိုမေ့လျော့တတ်သည်အထိ)
အင်္ကျီရင်ဘတ်ကို ကြယ်သီးဖြုတ်
ပစ္စုပ္ပန်ထဲ ပစ်ချထားလိုက်တယ်။

အဲ့ဒီနေ့
နှစ်ယောက်သား မျက်လုံးမှောက်ရင်း
ကိုယ့်လမ်းကိုယ်ဖောက်ထွင်းဖို့ကတိပြုတဲ့နေ့