ကြိုဆိုလိုက်ပါရဲ့

လာခြင်းကောင်းသော ဝိညာဉ်ရေ …

ကောင်းကင်တော်ဆီကနေ

ဒါမှမဟုတ်

ကောင်းကင်တော်အနီးပါးကနေ

မတွေးတတ်လောက်အောင်

ဆန်းကြယ်တဲ့ ဂီတရိုက်ချက်တွေနဲ့

နှလုံးသားကို အလုံးအရင်းသွန်ချလိုက်တဲ့

မင်းဟာ … ” ငှက် ” မှ ဟုတ်ပါရဲ့လား …

 

မြင့်မြင့်မားမား

ပိုပြီးတော့ မြင့်မြင့်မားမား

မီးနဲ့လုပ်ထားတဲ့ တိမ်တိုက်တစ်ခုလို

မြေကမ္ဘာကနေ ခုန်လွှားထွက်ခဲ့တယ်

ပြာလဲ့ နက်ရှိုင်းရာဆီကိုပျံသန်းသွားခဲ့

သီချင်းတွေဆိုရင်း၊ ပျံရင်း

ပြီးတော့ ပျံသန်းရင်းလည်း သီချင်းတွေဆို …

 

ကျွံနစ်လက်စ နေလုံးကြီးရဲ့

ရွှေအလင်းတန်းတွေထဲမှာ

အထက်မိုးတိမ်တွေ တောက်စားလင်းပ

ကိုယ်လုံး၊ ကိုယ်ထည်မရှိတဲ့ ပျော်ရွှင်မှုကြီးက

ပြေးပွဲတစ်ခုကို ဖွင့်လှစ်လိုက်တဲ့ပမာ

မင်းဟာ … လေဟုန်စီးလိုက် … ပျံထွက်လိုက်နဲ့ …

 

ခရမ်းပျော့ ညနေရီ

မင်းရဲ့ အပြန်လမ်းတစ်လျှောက်မှာ အိုင်ဖွဲ့ယိုစီး

နေ့အလင်းထဲက ကောင်းကင်ကြယ်တစ်ပွင့်ဆန်ဆန်

မင်းကို မမြင်ရဘူး … ဒါပေမယ့်

မင်းရဲ့ စူးစူးရှရှပျော်မွေ့မှုကို

ငါတို့ ကြားရပါရဲ့ …

 

လင်းရှတဲ့ အရုဏ်ထဲမှာ

ငါတို့မမြင်ရတော့တဲ့အထိ ပါးလှပ်သွား

အရှိန်ပြင်းတဲ့ မီးအိမ်နယ်ကျဉ်းကလေးမှာ

မြားတံ အစင်းစင်းလို ချွန်မြထက်ရှ

မင်းရဲ့ ဂီတဟာ အဲဒီမှာရှိနေတယ် … ငါတို့သိတယ် …

 

ညက ပွင့်ကွဲထွက်နေချိန်

လမင်းဟာ … အထီးကျန်တိမ်တိုက်တစ်ခုဆီကနေ

ကောင်းကင်ကြီးလျှံကျအောင်

ရောင်ချည်တွေ ရွာချသလို

ဝသုန်လေထု တစ်ခွင်၊ တစ်ပြင်မှာ

မင်းရဲ့ အသံပျံ့လွင့်နေတယ် …

 

“မင်း” ဘာလဲဆိုတာ ငါတို့မသိဘူး ….. ။          ။

 

မင်းဘာလဲဆိုတာ ငါတို့မသိဘူး ။

မင်းနဲ့ တူတဲ့အရာကိုလည်း ငါတို့မသိဘူး ။

မင်းဆီက ဂီတတွေ ရွာချသလိုမျိုးတော့

တိမ်သက်တန့်တွေဆီကတောင်

မိုးပေါက်လင်းလင်းတွေဆင်းမလာဘူး ၊ မမြင်ဘူး ။

 

ကိုယ်တိုင်တောင် မျှော်လင့်မထားတဲ့ ‘မျှော်လင့်ခြင်း’ နဲ့

‘အကြောက်အရွံ့’ တွေ လောကမှာ ဖြစ်ထွန်းလာတဲ့အထိ

အလိုလိုရလာတဲ့သီချင်းတွေကို အော်ဆိုရင်း

တွေးလက်စ အလင်းတိုက်နောက်မှာ ‘ကွယ်’ နေတဲ့

ကဗျာသမားလိုမျိုး …။

 

ချစ်ခြင်းတရားလို ချိုတဲ့ ဂီတနဲ့ဘဲ

ဘယ်သူမှမသိအောင်

ကိုယ့်စိတ်ကို တစ်ခန်းလုံး ဖြည့်ဖြည့်နေရတဲ့

နန်းတော်ရင်ခွင်က မိန်းမတစ်ယောက်လိုမျိုး ။

 

ကိုယ့်ကို ကာဆီးထားတဲ့ ပန်းမြက်တွေအကြားမှာမှ

ကိုယ့်ရဲ့ မမြင်ရတဲ့ အရောင်အသွေးကို ဖြန့်လွှတ်နေသူ

နှင်းတဝေေ၀ ချောင်ကုပ် ကလေးထဲက ပိုးစုန်းကြူးလိုမျိူး ။

 

ကိုယ်ပိုင်အစိမ်းရွက်တွေကြားမှာ အိမ်ဖွဲ့နေရင်းက

လေပူတွေရဲ့ဖျက်ဆီးမှုကိုခံလိုက်ရတဲ့ ၊ နောက်တော့လည်း

အဲဒီ အတောင်ပံတပ်ထားတဲ့ သူခိုးတွေကို

သူ့ရနံ့နဲ့ဘဲ မူးမိုက်သွားစေတဲ့ နှင်းဆီတစ်ပွင့်လိုမျိုး ။

 

လင်းလိုက်မှောင်လိုက် မြက်ခင်းပေါ်က

မိုးစက်ပွင့်တို့ရဲ့…အသံ

အဲဒီအသံကြောင့် အိပ်ယာက နိုးလာတဲ့ ပန်းပွင့်များ ၊

ပျော်ရွှင်၊ ကြည်လင်၊ လန်းဆန်းခဲ့ရ

ရှိရှိသမျှအရာအားလုံးကို ဂီတနဲ့ မင်း ကျော်လွန်ခဲ့ပြီ ။

 

ငါတို့ကို သင်ကြားလှည့်ပါဦး … ၀ိညာဉ်ကလေး

သို့မဟုတ် … ငှက်ကလေးရေ

ဘယ်လိုလှပတဲ့ စိတ်ကူးတွေများလဲ…

အဲဒီလို နတ်ဒေ၀တာမြောက်တဲ့ဝိုင်အရက်

သို့မဟုတ် … မေတ္တာကျူးဆစ်သံကို

ငါ ဘယ်တုန်းကမှ မကြားခဲ့ဖူးဘူး ။

 

အောင်ပွဲတေး ၊ လက်ထက်ပွဲတော်က တေးတွေဟာလည်း

…………………………………..

………………………………….. ။

 

အောင်ပွဲတေး ၊ လက်ထက်ပွဲတော်က တေးတွေဟာလည်း

မင်းရဲ့တေးသွားနဲ့ပြိုင်ရင် …

အားလုံးဟာ … ကြွားလုံးဟောက်ပက်ဖြစ်သွားကြလိမ့်မယ် …

မြုပ်ကွက်ဟာကွက်တွေနဲ့ပေါ့ ။

 

ဘယ်လို လယ်ကွက်တွေလဲ ၊ ဘယ်လို တုန်နှုန်းတွေလဲ …

ဘယ်လိုတောင်ထွဋ်တွေလဲ ၊ ဘယ်လို ဒြပ်သားတွေလဲ

ဘယ်လိုမျိုး … မျိုးချစ်တရားလဲ …

ဘယ်လိုမျိုး … ဒုက္ခရဲ့လွတ်မြောက်ရာလဲ …

မင်းရဲ့ အပျော်စီးကြောင်းတွေ စိမ့်ကျရာ …

 

မင်းရဲ့ ကြည်လင်ရှတတဲ့ ပျော်ရွှင်မှုမှာ …

အယိုင်အလျော့မရှိနိုင်ဘူး ။ အညှိုးအမှောင်မတည်နိုင်ဘူး ။

မင်းဟာ … ချစ်တတ်တယ် …

ဒါပေမဲ့ … အချစ်ရဲ့ ကြေကွဲမှုကို မသိရဘူး ။

 

ငါတို့ရဲ့ သေဆုံးလေ့ရှိတဲ့ အိပ်မက်တွေထက်

ပိုပြီး ဖြောင့်မှန် နက်နဲတဲ့တရားတွေကို မင်းဟာ …

အိပ်နေစဉ်မှာဘဲဖြစ်ဖြစ် ၊ နိုးနေစဉ်မှာဘဲ ဖြစ်ဖြစ် …

တမလွန်လူကြီးမင်းဆီက မှတ်သားနာယူခဲ့တယ် …

ဒီလိုမှမဟုတ်ဘူးဆိုရင် မင်းရဲ့သီချင်းတွေဟာ

လင်းသန့်တဲ့အလျင်နဲ့ ဘယ်စီး နှင်နိုင်ပါ့မလဲ …။

 

ငါတို့ဟာ … ရှေ့ကို ၊ ပြီးတော့ နောက်ကိုပါကြည့်တယ်

ပြီးတော့ … မရနိုင်တာကို တမ်းတတယ်

ငါတို့ရဲ့ အရိုးရှင်းဆုံးရယ်သံဟာ

သောကဆိုတဲ့အရာကို ၀န်ဆောင်လာတယ်

ငါတို့ရဲ့ အချိုမြဆုံးတေးတွေဟာ

လွမ်းတတ်တဲ့ အတွေးတွေကို ပြောပြတဲ့တေး တွေပေါ့

 

ဒါပေမယ့် … ငါတို့ကသာမျက်ရည်မကျတတ်ရင်

အမုန်း ၊ မာနနဲ့ ကြောက်ရွံ့မှုတွေကို

မထီလေးစား လုပ်တတ်ရင်

မင်းရဲ့ အပျော်အရွှင်တွေဆီကိုလည်း လာတတ်မှာမဟုတ်ဘူး ။

 

အတိုင်းအဆရှိကြတဲ့ မြူးတူးဖွယ် အသံတွေထက်

စာအုပ်ထဲမှာဖတ်ရတဲ့ အဖိုးထိုက်ခြင်းတွေထက်

မင်းကဗျာရဲ့ အစွမ်း အစက သာလွန်ပါပေတယ်

ကမ္ဘာမြေကို သရော်နိုင်သူ လေးရယ် …။

 

မင်းသိတဲ့ စိတ္တသုခတွေ

ငါ့ကို တ၀က်ပဲသင်ပေးပါ

ငါ့နှုတ်ခမ်းဆီက ရူးသွပ်ညီညာစွာစီးကျ

ကမ္ဘာမြေက နားထောင်ကြမှာပေါ့

အခု … ငါမင်းကို နားထောင်နေသလိုလေ …။

 

တာရာမင်းဝေ