အဆက်အစပ်မရှိဘဲ
တစ်ဖက်သတ်ငြိရတာကလည်း
အရွက်ကြွေခြောက်တွေကို
လက်ဘက်ရည်သောက်ရင်း ငေးရသလိုပဲ
ပေါ့ပျက်ပျက်နဲ့…။

ပြောရရင်တော့
တလောက မြင်လိုက်ရတဲ့အပြုံး
ကျောပိုးအိတ်တစ်လုံးနဲ့ ခရီးထွက်သွားပြီ
အဲ့ဒီနောက်မှာတော့
လှည့်ပြီးကောက်လာတဲ့ မျက်ဝန်းက
ရာသီကို ခလုပ်တစ်ချက်တွန်းလိုက်ရော။

ဇာတ်လမ်းစတာနဲ့
ဖြတ်သန်းတိုက်ခတ်လာတဲ့လေ
ဟော…သူ့နှုတ်ခမ်းမှာ ပန်းတွေဝေပေါ့။

`အချစ်ရေ…´လို့ မန်းမှုတ်ရင်း
ညစ်ပေသွားတဲ့ မိုးတိမ်တွေလည်း
ကိုယ့်အနာဂတ်ကို စိုးရိမ်
တစ တစ ညှိုးမှိန် ကွယ်ပျောက်
ဒီလိုနဲ့ ကိုယ်ဟာ…
မင်းနံဘေးက ကိုယ်ယောင်ဖျောက်ခဲ့ရသူ။