လူ့နယ်ပယ်မှာ

ပျော်စရာတစ်စက်လောက်ပွင့်ဖို့

ဒီလောက်ခက်ခဲလိမ့်မယ်လို့

ရှင်ရော ကျွန်မပါ မထင်ခဲ့မိဘူး မဟုတ်လား?

 

လွယ်လွယ်ကူကူရှင်သန်နိုင်ဖို့

သစ်ပင်ဟာ သူ့အရိပ်သူ ပြန်မျိုခဲ့တာ မြင်ဖူးလား ?

တကယ်တမ်းတော့ အချစ်ဆိုတာကို

အဓိပ္ပာယ်မဲ့ လူတွေအများကြီးရှာဖွေနေတာကိုက

စ မှားတော့တာပဲ ။

 

ရက်ရက်စက်စက် ရှင်ရောကျွန်မပါ

အနီးကပ်အသည်း ကွဲနေရတယ် ။

ကျွန်မသူ့ကိုအရမ်းချစ်တယ် . .

တပြိုင်နက်တည်းမှာပဲ သိပ်နာကျည်းတယ် ။

 

စကားလုံးတစ်လုံး စာတစ်ကြောင်း ရဖို့

တစ်ယောက်ပြီးတစ်ယောက်ကို သူခူးတယ် ။

တစ်ပွင့်ပြီးတစ်ပွင့်လည်း ပါလာတယ် ။

စကြာဝဠာကြီး ကျယ်ပြောသလောက်

သူခူးခဲ့တဲ့ပန်းပွင့်လက်ဆောင်တွေ

ထားစရာနေရာမရှိလောက်အောင်

များပြားလာတာက

သူ့အဖြစ်ကို ပိုခမ်းနားစေခဲ့တာလား ?

 

ဟင့်အင်း .  .  . ကျွန်မ မယုံကြည်နိုင်သေးဘူး ။

ရှင့်ဆီအောင်မြင်မှုအစစ်အမှန်ရောက်ရှိနေတယ်လို့

(အတုအယောင်ကျော် ကြားမှု) ။

 

ကျွန်မက ကိုယ့်တွင်းကိုယ် နက်သထက်နက်အောင်တူးပြီး

သူ့ပုံရိပ်ကို ကောင်းမွန်သထက်ကောင်းမွန်စေချင်ခဲ့ တာဟာ

.  .  ကိုယ့်နောက်ကျောကို ကိုယ်တိုင်ဓားနဲ့ထိုးလိုက်တာပါပဲ ။

 

မိန်းမတစ်ယောက်ရဲ့ဘဝမှာ သူတို့ရဲ့အချစ်ဦးက

အချစ်ဆုံးဖြစ်နိုင်ပေမယ့် . .

ယောက်ျားတစ်ယောက်အတွက်ကတော့

သူတို့ရဲ့နောက်ဆုံးအချစ်ကသာလျှင် အချစ်ဆုံးဖြစ်ပါသတဲ့ .  . ။

အာဒမ်မှာတကယ်တော့ နံရိုးတွေအများကြီးရှိနေခဲ့တာကို

ကျွန်မ မေ့လျော့နေခဲ့တယ် ။

 

ကျွန်မတို့နှစ်ယောက်စလုံးက ကိုယ့်ကိုယ်ကိုအရူးတွေလို့

ကျေကျေနပ်နပ်ကင်ပွန်းတပ်ခဲ့တယ် ။

ကိုယ်ဟာအခုထိ ခံစားမှုဝါဒီသမားပဲ ။

 

ဘယ်လို ကိုယ်ချင်းစာတရားမျိုးမှ

သူ့နှုတ်ခမ်းမှာ အားနာပါးနာ မခိုကပ်နိုင်တာကိုပဲ

ကျွန်မ အားပါးတရလက်ခုပ်တီးခဲ့တယ် ။

 

သူ ကျွန်မကို ကြယ်တွေစုံတဲ့ည သီချင်းဆိုပြတုန်းက

ကြယ်တစ်လုံးတစ်လေတောင် ကောင်းကင်မှာ ရှိမနေခဲ့ဘူး ။

အဲဒီကတည်းက သိခဲ့ဖို့ကောင်းတယ် ။

 

မီးဆိုတာ ကြောက်စရာကောင်းမှန်းသိရက်နဲ့

ပိုးဖလံတွေ ဘာကြောင့်ဝင်တိုးတယ်ဆိုတဲ့အကြောင်းကို သုတေသနလုပ်ဖို့ စဉ်းစားမိတယ် ။

နောက်ဘဝရဲ့တစ်ဝက်တိတိ သူကျွန်မကိုရက်ရက်ရောရောပေးထားတယ် ဆိုကတည်းကပေါ့ ။

ဒါပေမယ့် ဒီမီးကိုပေါ့ပေါ့ပါးပါးလှုံရဲဖို့ ကျွန်မဟာ ပိုးဖလံတစ်ကောင်ဖြစ်ရဲဖို့တော့လိုမယ် ။

 

ဘဝဆိုတာ လွမ်းစရာအရမ်းကောင်းမှန်းအရင်က မသိခဲ့ဘူးအချစ်ရယ် ။

ကိုယ်ဟာ ပျံသန်းဖို့ကြိုးစားရင်း

နားလည်မှုတွေကျိုးကျနေရတယ် ။

 

ခုတော့ သူ့ပုံသေနည်းတွေကို ချိုးဖျက်ပစ်ဖို့

ရနံ့တွေအားလုံးဖွင့်ထုတ် မိပြီ ။

 

လက်ကလေးကိုင် ပခုံးလေးဖက်ရုံ

အားငယ်ချိန်မှာ မှေးမှီစရာပခုံးတစ်ဖက် ရှိနေရုံနဲ့ ချစ်သူဘဝကို လုံလောက်ပြီလို့

ကိုယ်ယုံကြည်ထားတယ်/ဆဲ ။

အချစ်မှာ ခေါင်းဝင်ကိုယ်ဆန့်ဖြစ်ဖို့

ဘယ်ပန်းပွင့်လေးတွေက ရှင့်ရဲ့စိတ်တွေကို ညစ်နွမ်းရမ္မက်

ထန်စေခဲ့သလဲ ?

 

ဒီကဗျာထဲမှာ အမေးပုစ္ဆာအများကြီးထည့်ထားတယ် ။ ရှင်နဲ့ကျွန်မ?

 

နှေးတယ် ၊ မြန်တယ် ဆိုတာထက်

ဘယ်လောက်သွားခဲ့ပြီးပြီလဲဆိုတာက ရှင့်အောင်မြင်မှုတွေပဲ ။

ကျော်ကြားမှုကြောင့် ဘဝပျက်မယ့် လူတွေစာရင်းမှာ

ရှင့်နာမည်ကို မဖတ်ချင်ဘူး ။

မပိုင်ဆိုင်ရရင်တောင် ရှင့်ကို အေးချမ်းနေစေချင်တာက

ကျွန်မရဲ့နောက်ဆုံးသစ္စာတရားပဲ ။

 

ရှင့်ကိုမြတ်မြတ်နိုးနိုးတန်ဖိုးထား လိုချင်သူတစ်ယောက်

တကယ်ရှိနေမယ်ဆိုရင်

ကျွန်မရဲ့လိမ်စာကို ရိုက်ထည့်ပေး

လိုက်ပါ ။

အချစ်ဆိုတာ တကယ်ချစ်ရင်

အပေးရောအယူပါ မရှိဘူးဆိုတာ ရှင့်ကိုသက်သေပြမယ် ။

 

ဘဝက ရှင်ထင်သလောက် မလွယ်ကူသလို

ကျုပ်ထင်ထားတာထက်လဲ ပိုပေါ့ပါးတယ် ။

 

ကဗျာထဲမှာ အချစ်ကိုရှင့်လောက် ပုံကြီးချဲ့မပြတက်ပေမယ့်

ကျွန်မကလည်း အခုထိ ခံစားမှုဝါဒီသမားပဲ ။

 

ဒီကဗျာဟာ ရှင့်အတွက်

ရှင်အမှတ်တရပေးခဲ့တဲ့ နာမည်ကို နောက်ဆုံး

အသုံးပြုယက်လုပ်ခြင်းပဲ ။

ရှင့်ကိုပေးခဲ့တဲ့လက်ဆောင်တွေထဲမှာ

ချစ်ခြင်းမေတ္တာတရားကို အခုထိမကွပ်မျက်သေးခဲ့မိတာက

( ……….) ။

 

ကျွန်မရဲ့အားပေးဖော်ရေ

အခုတော့ ရှင် ကျွန်မကို သိပ်စိတ်ပျက်နေပြီပေါ့ ။

ကျွန်မအချစ်ကြောင့် နာကျင်ရင် ထပ်တူခံစားပေးပြီး

ကျွန်မအောင်မြင်ရင် ကိုယ့်အောင်မြင်မှုလို သဘောထားပေးခဲ့တဲ့

ကျွန်မကိုအမြဲတမ်းယုံကြည်မှုတွေပေးပြီး

တိတ်တဆိတ်နာကျင်နေတက်တဲ့ ရှင့်ကို

ကျွန်မဘဝရဲ့အမွန်မြတ်ဆုံးလက်ဆောင်တစ်ခုအဖြစ်

အမြဲသိမ်းဆည်းထားပါ့မယ် ။

 

သန့်စင်မွန်မြတ်တဲ့ မေတ္တာတရားဟာ

ဘယ်လောက်အေးမြတယ်ဆိုတာကို သင်ပြပေးခဲ့လို့

ကျေးဇူးတင်ပါတယ် ။

အချစ်ဆိုတဲ့ အရာကနေ

ကျွန်မရရှိခဲ့တဲ့ ဒဏ်ရာတွေကို

အောင်မြင်မှုအဖြစ်ပြောင်းလဲပြီး

ရှင့်ကိုလက်ဆောင်ပေးပါ့မယ် ။

 

အခုတော့ ကျွန်မ သွားမယ် ။

အဲဒီသစ်ပင်အရိပ်နဲ့လွတ်တဲ့နေ့အထိ ကျွန်မရောက်အောင်ပျံသန်းသွားမယ် ။     ။

 

 

မိငြိဏ်းခက်