ကမ်းပါးမဲ့မြစ်
………………..

လေးကြောင်းမျဉ်းပေါ်မှာ
သံတိုင်လိုခြေလှမ်းတွေနဲ့ရေးခဲ့ရတဲ့ဘ၀
နောက်လှည့်ကြည့်တိုင်းကွေ့ကောက်
လွှာတွန့်တောင်တန်းတွေလိုတွန့်ခေါက်လို့….

နောက်နေ့..
နောက်နေ့..နဲ့
နောက်နေ့တွေလည်း
ဒီနေ့လိုပြိုပြိုကျ
အချိန်နာရီတွေ ပါးရေတွန့်နေကြပြီ….

ကိုယ့်ကိုယ်ကို
အပိုင်းပိုင်းအတစ်တစ်
လှီးဖြတ်ပစ်တဲ့ဓါးတစ်ချောင်းကိုမှထက်အောင်
ဗင်းဆင့်ဗန်ဂိုးရဲ့နေကြာပန်း ပန်းချီကားနဲ့သွေးနေရတာလည်းအမော…

ပြောကြစမ်းပါ
အရသာပြယ်လို့ထွေးပစ်ခံရတဲ့ပီကေတစ်ခုမှာ
ဘာကြောင့်နာကျင်မှုတွေရှိတယ်…

ပြောကြစမ်းပါ
လျှပ်စစ်မီးမလာလို့အသတ်ခံရတဲ့ဖယောင်းတိုင်တစ်တိုင်မှာ
ဘာ့ကြောင့်အငြိုးတရားတွေရှိတယ်...

ပြောကြစမ်းပါ
ကျောက်ကြိတ်စက်အောက်က
အစိတ်စိတ်ကွဲကျောက်ခဲတစ်လုံးမှာ
ဘာကြောင့်ရက်စက်မှုတွေရှိတယ်….

ငါ့မှာက…
အစုတ်စုတ်ဖွာနေတဲ့ရင်ဘတ်ကိုချုပ်ဆက်ဖို့
ကိုယ်ကျင့်တရားအပ်ချည်ကြိုး
ကံအပ်ပေါက်မှာထိုးမယ်ပြင်တုန်း
မျက်လုံးတွေစုံလုံးကန်းနေမှန်းသိခဲ့ရတယ်…၊၊ ၊၊

(ချယ်ရီမဂ္ဂဇင်း ။၂၀၀၃-အောက်တိုဘာလ )