Home
Post Masterpiece
Register
Login
အာဇာနည်နေ့ ဂုဏ်ပြု ကဗျာ
ကိုယ်တိုင်ရေး ကိုယ်တိုင်ပေးခဲ့တဲ့ လက်ဆောင်
သူဟာ….
လူဖြစ်လာတဲ့အခိုက် တစ်နှစ်တာကို
ကန့်သတ်ချက် ဘဝ စာမျက်နှာ တစ်ရွက်
နှစ်စဉ် အတွေ့အကြုံတွေကို ရေးသားခဲ့ သူပါ…။
အတိတ်…
ခရီးကြမ်းလွန်းတဲ့ ခုနှစ်တွေအောက်မှာ
သူဟာ… လူ့ ဘ၀ ပိုင်ဆိုင်ခွင့်ရခဲ့တာ
အားလုံးအတွက်
တကယ် ကံကောင်းတဲ့ လက်ဆောင် တစ်ခုပေါ့…။
အချိန်ကာလအရ
ခရီးသွားနေတဲ့ တစ်နှစ်တာ
ဘဝ စာမျက်နှာရဲ့ နိဒါန်းမှာ
သူဟာ…
အားလုံးအတွက်
ဒီမြေကြီးပေါ်မှာ ပွင့်ခဲ့တဲ့ ပန်းကောင်း တစ်ပွင့်ပေါ့…။
သူဟာ…
တကိုယ်ကောင်းဆန်မှုတွေ
ကောက်ကျစ်မှုတွေ
ဖိနှိမ့်မှုတွေ စွပ်စွဲမှုတွေ များလာရင်
ကြင်နာတတ်တဲ့ နှလုံးသား ပိုင်ရှင်ပေါ့…။
သူဟာ…
မကွေး နတ်မောက်ဆီက
ထွန်းတောက်လာတဲ့ ကြယ်တစ်ပွင့်
သူ့ သမိုင်းက ဆင့်တဲ့
အနာဂတ် စာမျက်နှာဟာ
ခင်ဗျားတို့ ကျွန်တော်တို့
ဖတ်နေတဲ့ အကောင်းဆုံး စာအုပ်ပေါ့…။
သူဟာ…
အင်္ဂလိပ် ဂျပန်ကို တိုက်ခဲ့တဲ့
အာဇာနည် အောင်ဆန်း….
သူရဲကောင်း အောင်ဆန်း….
စာရေး ဆရာ အောင်ဆန်း….
ရာဇဝင် အောင်ဆန်း
ဗိုလ်အောင်ဆန်းပေါ့….။
သူဟာ…
အနုပညာသမား တယောက်ပါ…
သူ့ရဲ့ အသေးစိတ် နိုင်လွန်းတဲ့..
ကိုယ်တိုင်ရေး ကိုယ်တိုင်ပေးခဲ့တဲ့..
သုံးဆဲ့ နှစ်နှစ်တာ စာအုပ်လေး တစ်အုပ်မှာ
စာမျက်နှာ သုံးဆဲ့ နှစ်ရွက်တာ ရှိပေမဲ့…
ခင်ဗျားတို့ ကျွန်တော်တို့ အားလုံး
ဖတ်လို့ မဆုံးနိုင်ခဲ့ဘူး…
ဂုဏ်ယူလို့ မဆုံးနိုင်ခဲ့ဘူး…
ချီးမွန်းလို့ မဆုံးနိုင်ခဲ့ဘူး…
ပြီးတော့…
ကျွန်တော်တို့ တပည့် သားသမီး
မြေးမြစ်တွေကလည်း
ထာဝရ ဖတ်လို့ကောင်းလွန်းတဲ့
သူရဲ့ သမိုင်းတွေကို လေးစားလွန်းလို့
လက်ဆင့်ကမ်း ဖတ်နေကြဦးမှာပါ….။
တက္ကသိုလ်မြတ်မင်း
