အချစ်အစ မျက်လုံးကဆိုသလိုပဲ
အသက်ကြီးမှ အချစ်ရောဂါပြန်ထလာသလို
ကျွန်တော်နှလုံးသား တံခါးလေးကို
ထိခိုက်မထိခိုက် လာလှုပ်တဲ့မှော်ပညာရှင်မလေးရယ်
သံမဏိလိုမာကျောတဲ့ ကိုယ်နှလုံးသားလေး
ကလေးနဲ့တွေ့မှ အရည်ပျော်ကုန်ပြီကွာ……

ကလေးရယ်
မှော်ပညာများ တတ်နေတာလား
ကိုယ်နှလုံးသားကို မြေလှန်လိုက်သလိုပဲ
ကလေးရဲ့အကြည့်တွေထဲမှာ ရေစုန်မျော်လွင့်ခဲ့ပြီ…..

ကလေးရယ်
ဘယ်တုန်းကမှ မခံစားခဲ့ဘူးတဲ့
ကိုယ်နှလုံးသားက ကလေးနဲ့တွေ့မှ
ရင်ခုန်သံတွေနဲ့ ကလေးမျက်နှာက
ကိုယ့်အိမ်မက်ထဲထိအောင် ဝင်ရောက်နေခဲ့ပြီ
ကိုယ်ဘယ်လိုလုပ်ရမလဲ
ကိုယ်အသက်အရွက်နဲ့ ကလေးကို
ဖွင့်ပြောရမှား၊ သူများတွေမေ့ငေါ့ကုန်မယ်
ကလေးကို မုန့်ပေးကြိုက်သလိုမျိုး
ဆန္ဒကို သိက္ခာနဲ့ထိမ်းဆိုသလိုရှိနေတယ်ဆိုတာ
ကိုယ်သိပါတယ်..ဒါပေမဲ့ ကလေးရယ်
တသက်မှာတခါပဲ ရင်ခုန်ဖူးတဲ့ ကိုယ်ရင်ခုန်သံတွေကိုပဲ
အကျဉ်းချပြီး အရှင်လတ်လတ်မြေမြုပ်ပစ်ရတော့မှာလား…

ကလေးရယ်
အချစ်ဆိုတာ အသက်အရွက်နဲ့မဆိုင်ဘူးလို့
ပြောနေကြတဲ့ လူတွေကိုကျေးဇူးတင်ရမလား
ကိုယ် တစ်ခါတလေ ကိုယ်အသက်ပြန်ငယ်ချင်လိုက်တာလို့
တွေးမိတိုင်း ကလေးဆီကို အမြဲစိတ်ရောက်နေမိတယ်
အချိန်တိုင်း ကလေးဖြစ်နေတဲ့ ကိုယ်ပါ..

ကလေးရယ်
ကိုယ်ရဲ့ရင်ခုန်သံလေးတွေကို
သံစဉ်လေးတွေအဖြစ်ထားပြီး
ကလေးကို ကိုယ်ရင်ခွင်ထဲမှာ
ထားလိုက်ချင်ရဲ့ဆိုတဲ့
ဆန္ဒလေးသာ ပြည့်ခဲ့မယ်ဆိုရင်
ဒီကမ္ဘာပေါ်မှာ ကိုယ်သာလျှင်အပျော်ဆုံးလူသားဖြစ်နေမှာပဲ ကလေးရယ်…..

လူပျိုကြီးရဲ့ ခံစားချက်ကလေးကိုတင်ပြရင်း
                                                          စိုး….