နံနက်ခင်းတစ်ခုရဲ့ ကန့်လန့်ကာကိုဆွဲချပြီး
တစ်ညလုံးပိတ်ထားတဲ့ မျက်ခွံတံခါးတွေတွန်းဖွင့်လိုက်တယ်။
ပြီးတော့….လက်ကျန်ပင့်သက်ကြမ်းကြမ်းတစ်ချို့ကို
ခြောက်သွေ့နေတဲ့ လည်ချောင်းထဲသွန်ချလိုက်တယ်။
စိတ်လိုလက်ရမရှိလှပေမယ့်
ချိန်သားမကိုက်သေးတဲ့ အသိတွေကိုနေရာချရင်း
ဒီလိုနဲ့…
အိပ်ယာထဲကရှင်သန်မှုကို ပျင်းရိနေခဲ့ပြန်တယ်။

ဒါ..အဆီအငေါ်မတည့်တဲ့ နံနက်ခင်းတစ်ခုလား
စက်ပိတ်ထားတဲ့ ဖုန်းတစ်လုံးလိုငြိမ်သက်
လေးတိလေးကန် အသက်ရှူ ရင်း
ကျွန်တော်တစ်ယောက်တည်းအလုပ်ရှုပ်နေခဲ့တယ် ။ ။

ဆိုက်ပရပ်စ်လင်း ၂၀၁၄