ပုံတူ

ကိုယ့်မျက်လုံးထဲ ပြန်ကြည့်လိုက်တိုင်း

သားရဲတိရစ္ဆာန်တစ်ကောင်ရဲ့ ရိုးသားမှုမျိုးကိုတွေ့တယ်

အချစ်ရယ်

ပျော်ရွှင်မှုကို မယုယနိုင်တဲ့ လက်ရယ်

ဆေးလိပ်မီးပေါက်ကျထားတဲ့ ဘ၀ရယ်

လောကရဲ့အမှောင်မိုက်ဆုံးတိမ်တွေမှာ ငွေ့ရည်ဖွဲ့ခဲ့တယ်

ဘယ်သူ့ကိုမှ ယုံဖို့ရာမတတ်နိုင်တဲ့ ည ရေ

နေမြင့်ရင် ပန်းတွေပွင့်လိမ့်မယ်

ကွာကျနေတဲ့ နံရံတွေလည်း

သူတို့ကိုယ်သူတို့ ဖာထေးဖို့ ပြင်ဆင်တတ်လာမယ်

အခုတော့ …

တစ်သက်လုံး ပေကျံထားတဲ့ အ၀တ်အစားနဲ့

အဖြူရောင်သုတ်ထားတဲ့လမ်းတွေပေါ်

လျှံကျနေတဲ့စိတ်ကို လိုက်ကောက်ရဦးမယ်

In: ကဗျာ Posted By: abel973 Date: Jan 22, 2018

Leave comment commentinfo