ဘောလုံးပွဲကား
သဲသဲရုတ်ရုတ်၊ ခရာတုတ်လျက်
မိုးချုပ်ချိန်မှာ ပွဲသိမ်းပြီ။

နိုင်သည့်အသင်း၊ ကွင်းထဲဆင်း၍
ကွင်းကိုလှည့်ပတ်၊ ပရိသတ်ကို
ဦးညွတ်အလေးပြုပြီးပြီ။

အဖွဲ့ချုပ်က၊ ဥက္ကဌလဲ
ရှေ့ကဒိုင်းကြီး၊ ပွဲအပြီးတွင်
လက်ခုပ်တီးသံ၊ တညံညံနဲ့
နိုင်သူ့ထံသို့ အပ်ရန်သာ။

သန်းခေါင်တိုင်လဲ၊ အောင်နိုင်သောဆု
မအပ်သေး။

ပရိသတ်ကား၊ မတ်တပ်ရပ်၍
စောင့်ကြဆဲ။

ဒိုင်နှိပ်စက်၍
ကြွက်တက်သူတက်၊ အိပ်ပျက်သူပျက်
စိတ်ညစ်သူညစ်၊ လစ်သူလစ်ပြီ
မဖြစ်ဖူးမြဲ ဘောလုံးပွဲ
အံ့ဖွယ်သရဲ စံပါဘဲ။

တင်မိုး။
၁၉၉၅ နိုဝင်ဘာ ၃၀ တွင်၊ မန္တလေးမြို့ ဆွံ့အနားမကြားကျောင်း ရံပုံငွေအတွက် ပြုလုပ်တဲ့ စာပေဟောပြောပွဲမှာ ရွတ်ဆိုတဲ့ ကဗျာဖြစ်ပါတယ်။ ဖေဖော်ဝါရီလမှာ စစ်အစိုးရရဲ့ ဖမ်းဆီးထိမ်းသိမ်းရာမှ လွတ်မြောက်လာပြီး ပထမအကြိမ် ဟောပြောပွဲတက်ခြင်း ဖြစ်ပါတယ်။
/*မာယာမဂ္ဂဇင်း မှကူးယူဖော်ပြပေးတာပါ*/