အနှစ် ၂၀
ချီးမွမ်းသံတွေ၊ အထင်ကြီးသံတွေ
အလေးပေးခံမှုတွေ၊ ထိန်းကွပ်မှုတွေ
ဆုံးမမှုတွေ၊ ဆူပူမှုတွေ
လုပ်သင့်တာတွေ၊ လုပ်ရမှာတွေ
နောက်ပြီး
မျှော်လင့်ချက်တွေ
ပုခုံးပေါ်မှာ ထမ်းလာတာ
အနှစ် ၂၀။

အဲဒီနောက်
ပုခုံးပေါ်ကအထုပ်တွေကို(အထုပ်တော်တော်များများကို)
ပစ်ချထားခဲ့လိုက်တော့တယ်။
ပစ်ချထားခဲ့ဖို့ လည်းကြိုးစားခဲ့တယ်။

ထိန်းချုပ်မှုတွေကိုဖါယ်ရှား
လွတ်လပ်မှုကိုခံစား
ခရီးဆက်သွားခဲ့တာ
နောက်ထပ် အနှစ် ၂၀။

အဲဒီနောက်
ပျံချင်ရာပျံခဲ့တော့
အိမ်အပြန်ခက်ခဲ့တယ်။
အိပ်မက်တွေကဝေဝါးလို့ 
နေ့ လည်ခင်း တရေးနိုးတဲ့အချိန် ဘာလုပ်ရမှန်းမသိသလိုမျိုး။
မြင်မြင်ရာကို ဟောင်နေတတ်တဲ့
ခွေးရူးတစ်ကောင်လိုမျိုး။

ခရီးဆက်ခဲ့ပြန်တယ် အနှစ် ၂၀။

အဲဒီနောက်
ပျံဖို့ လည်း အားမရှိ၊
ယောင်ဖို့ လည်း အချိန်မရှိ။
ဟောင်ဖို့ လည်း အခြေအနေမရှိ။
သံဝေဂလိုလို၊ နောင်တလိုလို။
ဇာတ်သိမ်းပိုင်းမှာ
ငြိမ်းချမ်းချင်သလိုလို၊ တည်ငြိမ်သလိုလို။
တိတ်တဆိတ် ခရီးဆက်ခဲ့ပြန်တယ်။
နောက်ထပ် အနှစ် ၂၀။

ခရီးရှည်ကြီးဆုံးတော့ တံခါးဝရောက်ပေါ့။
သြော် တံခါးဖွင့်ဖို့ သော့လို တာကိုး။
ဟုတ်တယ် တံခါးသော့။
ဘယ်နားမှာသယ်ခဲ့မိပါလိမ့်။
သော့ကို စဉ်းစားမိမှ
ချွေးစေးတွေပျံလာတယ်။
ပြန်မြင်ယောင်လာတယ်။
လွန်ခဲ့တဲ့ အနှစ် ၆၀
မထမ်းချင်လို့ ပစ်ချခဲ့တဲ့
အထုပ်ထဲက ထောင့်တနေရာမှာ
သော့ရှိနေခဲ့တယ်။

(မသိမှုကြောင့် သိမှုသော့ မပျောက်ရပါလို၏။)