ခပ်ဝေးဝေးက ခွာကြည့်မိတယ်
သြော်….ဒါကလည်း
ကာလတစ်ခုရင် ရှိမှ
သတိတစ်ခုရင်ထားမှ။

မျက်ဝန်းကို တင်းတင်းမှိတ်ပြီး
အိပ်မက်ဆီလှမ်းလိုက်တယ်
တကယ့်တကယ်မှာ
ငါ ဘာမြင်ချင်တာလဲ
ငါလည်း မသိဘူးကွယ်။

မှုန်ဝါးတဲ့ ရှုခင်းလား
ပြတ်သားတဲ့ ရှုခင်းလား
ဘာကိုများ
ငါမျှော်လင့်ထားရမှာလဲ။

မှုန်ပြာပြာနဲ.
ညင်သာငွေ.ဝေေ၀ဟာ
သိပ်လှမှာပါ
ဒါပေမယ့်ကွယ်
ငါတကယ်လိုချင်တာ အလှလား။

လင်းရှတဲ့ ရှုခင်းဟာ
ထင်လင်းလင်း မြင်ရမယ်
ကွယ်……..
ရှင်းရှင်းအမြင်ဟာ
ဘာကိုများ ထူးခြားစေသလဲ။

မသိဘူးကွယ်
ကြည့်မိ…….ကြည့်မိကြည့်မိတယ်
ဘယ်လိုပဲဖြစ်ဖြစ်
အသစ်တစ်ဖန်
ပြန်ရှင်သန်ဖို. ဆိုတာက
မျှော်လင့်လို. မရတော့ပါဘူး။

တကယ်တော့ကွယ်
အမြင်ဆိုတာက
ဘာမှ မသေချာခြင်းပါ
အလင်းအမှောင်
အရောင်အရိပ်
တိတ်တဆိတ် လှည့်စားခြင်းပါပဲ။

ငါတို.ရဲ. သဘာဝမှာ
ဖြာကျတဲ့အလင်းက
အစစ မြင်စေတယ် လို.
လွယ်လွယ်တွေးခဲ့ကြတာပါ။

အလင်းရောင် အဖြာမှာ
နိမ့်ဆင်းလာတဲ့အမှောင်
အရောင်ကို အနားသတ်ပေးတဲ့ အရိပ်
တိတ်ဆိတ်စွာ နှိမ်ချရင်းနဲ.
အလင်းကို ဖြည့်ဆည်းပေးကြတာပါ။

မှောင်လွန်းမှ မမြင်ရတာ မဟုတ်ပါဘူး
စူးရှတဲ့ အလင်းကလည်း
မြင်ကွင်းကို ကွယ်စေပါတယ်။

တို.ဘ၀ရဲ့ မျှော်လင့်ခြင်း
အလင်းရိုက်ချက်တွေကိုသာ
ဘ၀မှာ နေရာပေးရင်း
မှားယွင်းခဲ့တာ သိပါရဲ့လား။

အရှိတရားကို
အသိများနဲ.
သတိထားရင်း
မှားယွင်းတဲ့ စိတ်ကိုတွေးလို.
အရိပ်ဘက်ကို အလေးကဲ ကြည့်မိတယ်။

တကယ်ပါကွယ်
ဘယ်လို အလင်းမှားတွေပါလဲ
စူးရဲစွာဖြာလွင့်
မမြင်သင့်တဲ့ အရာတွေအထိ
ကြည့်မိအောင် ဝေကြတယ်။

သစ္စာတို.ရဲ့အလင်း
ရှရှထင်းထင်း
မြင်ကွင်းကို မကွယ်ပါပဲ
မှောင်မဲခြင်း ဆိုတဲ့ မာနကို
တစ်ကျော့ပြီးတစ်ကျော.
ပီသမှု လျော့စေခဲ့တယ်။

နေ၀င်ချိန်မှတော့
ဖျော့လာတဲ့အလင်း
ဝင်းလက်မှုအမှိန်မှာ
ရင့်ရင့်လာတဲ့ အမှောင်
အရောင်ပြင်းလာတဲ့ အရိပ်
သိုသိပ်လို. မရနိုင်တော့ပါဘူး။

စဉ်းစားပါကွယ်
တကယ်တမ်းမှာ
အလင်းဆိုတာ
တဒင်္ဂပါ
သဘာဝဟာ
ထာဝရ အမှောင်
အမှောင်ဆိုတာ ရှိခြင်းပါ
အရောင်ဆိုတာ ဖြစ်ခြင်းပါ။

ဖြစ်နေတဲ့ အလင်းခဏတို.
ကွယ်ပခဲ့ရင်
ထာဝစဉ် တည်တဲ့ အမှောင်က
သူ.နေရာသူ ယူမှာပါ။

သြော်……..
ငါမှ သတိမထားမိပဲ
ဖြစ်ဆဲခဏတို.ကို
အမြဲလို. ထင်ခဲ့တယ်
မကွယ်ပျောက်မယ့် ကာလများလို.
ထင်ထားခဲ့တယ်
ဘယ်သူ. အပြစ်မှ မဟုတ်ပါဘူး။

လှည့်စားတတ်တဲ့ အလင်းရဲ့
ပြောင်းတတ်တဲ့ သဘော
မစစ်ကြောမိတော့
ဖျော့တော့ မှေးမှိန်လာချိန်မှာ
ငါကြိုဆိုဖို. မပြင်ခဲ့တဲ့အမှောင်
မရှောင်နိုင်အောင် ဖုံးလွှမ်းပြီပဲ။

သြော်………သစ္စာတဲ့ကွယ်
ဘယ်သူတွေ လင်းပြခဲ့သလဲ
ဘယ်သူတွေ ကွယ်ပခဲ့သလဲ
ပြောင်းလဲတတ်တဲ့သဘော
အပြစ်ပြောဖို. လိုပါသလား။

သူ…………လင်းခဲ့ပါတယ်
လင်းပြခဲ့ပါတယ်
ဆိတ်ကွယ်ခဲ့တာက
ဘာ့ကြောင့်လဲ။

သူ.ရဲ့ အလင်းရောင်က
လောင်စာကုန်ခဲ့တာလား
တစ်ပါးသော အလင်းဓာတ်
ရောင်ပြန်ဟပ်စေမယ့်တရား
တစ်ခြားကို လှည့်သွားတာလား။

ဘယ်သူတွေးနိုင်ခဲ့မှာလဲ
တည်ဆဲကာလတို.ကို
ဖမ်းထားဖို. ဆိုတာကလည်း
ဘယ်မှာ ဖြစ်နိုင်ပါ့မလဲကွယ်။

သစ္စာ……………
သစ္စာ……………………..
ငါဆုံးရှုံးခဲ့တဲ့ အလင်း
ဒင်း…….မတည်ခဲ့တဲ့ ကတိ
အရှိတရားတို.က
မာနဆိုတဲ့ အမှောင်
အရောင်ကို တိုးမြှင့်
ရင့်သထက် ရင့်စေခဲ့။

အိပ်မက် ဆိုတဲ့အတိတ်
အတိတ် ဆိုတဲ့ ရှုခင်းက
လှလိုက်တာကွယ်
တွယ်ကပ် မွှေးမြလာတဲ့
ပန်းလေးတစ်ပွင့်ပေါ့
ခပ်ဖွဖွ အလင်းမှာ
ဝင်းဖျော့စွာလေ။

သြော်….တစ်စစ မြင့်တက်လာတဲ့
ကာလတို.ရဲ့ ပြောင်းလဲခြင်းမှာ
အလင်းက တိုးမြှင့်
ရင့်ရင့်လာတဲ့ အပူ
ဖြူသောပန်းကို နွမ်းစေ………တဲ့
ပန်းခြွေခဲ့တယ်။

ဒါပါပဲ
ရယူခြင်းဆိုတာ
အကောင်းကို လက်ခံ
အဆိုးကို ပြန်နှင်လို. ဖြစ်မလား
ခြားနားမရတဲ့ ခေါင်းနဲ.ပန်း
လမ်းကြောင်းတစ်ခုတည်းပေါ်က အမှားအမှန်
အတန်တန်တွဲစပ်ထားတဲ့ အကောင်းအဆိုး
ရိုးသားစွာ ယူဖို.ပါပဲ။

အလင်းနဲ.အတူ
ယူလာတဲ့ ပူလောင်ခြင်းများ
ခံစားခဲ့ရပါတယ်
အလင်းကွယ်တော့
နွမ်းဖျော့ခြင်းသာ ကျန်ခဲ့
တရားပါရဲ့လား။

သွေ.ခြောက်စွာ
အမှောင်မှာကျန်ရစ်
အပြစ်ကြီးသူဟာ
သာယာမိတဲ့ ကိုယ်ပါ
သဘာဝအတိုင်း
အပူလှိုင်း ချသွားသူ မဟုတ်ပါဘုး။

အသိဟူသမျှက
အာသာဝ ကို ဖြတ်လာတယ်
တကယ်တမ်း ငါတို.က
“ရေကို တံလျှပ်လို. အမည်တပ်ပြီး
အာသာမပြတ် သောက်ခဲ့ကြတာပါ”

မြေပုံမှားလာတဲ့ မြို.ပါ
ငါဘယ်လိုလျောက်လျောက်
နေရာမှန်ကို မရောက်တော့ပါဘူး။

အ၀ိဇ္ဇာကို ဖြတ်လာတဲ့ အသိ
ပီတိလို. အမှတ်မှားရင်း
စူးစမ်းခြင်းနဲ. ထိတွေ.မရတဲ့ အသိ
ငါ့မှာဘယ်လိုရှိမှာလဲ။

ဝေဖန်ပိုင်းခြားခြင်းများ
နှိုင်းဆတဲ့ အသိဥာဏ်တရားနဲ.
ခွဲခြားပြောလို.မရတဲ့အလင်း
(အဲဒီ အလင်းကလွဲရင်)
မြင်ရတဲ့ အလင်းမှန်သမျှမှာ
အလွှာပါးပါးတစ်ချပ်
ထပ်လို.တည်ကြတာပါပဲ။

စဉ်းစားပါကွယ်
အလင်းဆိုတာ
သူ.ကို ကြည့်ဖို.မဟုတ်ပါဘူး
သူဖြာကျတဲ့နေရာ
နေရာတကာကို  လွှမ်းတဲ့ တဆင့်ခံ
သူ.ရောင်ပြန်ကြောင့် ဖြစ်တဲ့အမြင်
တို.ခင်တွယ်တာ ဒါပဲ မဟုတ်လား။

ဒါကြောင့်
လရောင်ကို ခံယူကြ
လမင်းကို မလိုချင်နဲ.
မြင်ရတဲ့ လမင်းထက်
လရောင်လက်လက်ရှုခင်း
ရင်တွင်းမှာ သိမ်းကြစမ်းပါ။

ပိုင်ခွင့်မရတဲ့ လမင်းများ
ဘ၀မှာဘယ်လောက်များသလဲ
တွေးရဲကြပါသလား
အိပ်…..မက်……..တွေ …….ပြင်……..ဆင်
ရင်ခွင်ကြားမှာ……….

အပြစ်မတင်ကြပါနဲ.ကွယ်
တကယ်တမ်းမှာ
လမင်းဖြစ်စေ
နေမင်းဖြစ်စေ
ခြေလှမ်းမှန်စွာ
သူ.ကမ္ဘာနဲ.သူပါ။

သူတို.တာဝန်က
ဖွဖွဝင်းဝင်း
အလင်းပေးဖို.ပါ
ငါတို.မြေကမ္ဘာကို
ဆင်းလာဖို.ရာ
တာဝန်မရှိပါဘူး။

အလင်းကံ ခေသူတို.ရေ
တို.က
နေကြာပါ
နေကို မော့ငေးသူပါ
တို.က
ကုမုဒြာပါ
လကို မျှော်တွေးသူပါ
ဒါပါပဲ
ဒါထက်လည်း မပိုချင်နဲ.ကွယ်။

အနွေးဓာတ်မလာတဲ့အခါ
အကြာကြီး မျှော်ခဲ့ရသလို
သူတို.ရဲ့အလင်း
ရှပြင်းပြင်း လောင်ကျွမ်းတဲ့အခါမှာလည်း
နွမ်းရတာပါပဲ။

ကံဇာတ်ဆရာက
တို.ဘ၀ကို ဆုံးဖြတ်
အနားသပ်ပေးခဲ့တာပါ
ငါတို.နဲ.လည်း မဆိုင်ဘူး
သူတို.နဲ.လည်း မဆိုင်ဘူး
ရူးမိုက်ကြတာက
သဘာဝပါကွယ်။

စိတ်နာမှုတစ်ခုတည်းနဲ.
တို.ရဲ့အတိတ်
အရိပ်ဖြစ်နေတဲ့ ပီတိ
ကျိန်ဆဲမိဖို. လိုသလား။

ကြည်နူးမှုရဲ့ အကြောင်းတရား
ပြောင်းသွားစေဖို.မာနနဲ.
ကာလတစ်ခုထဲအထိ ဆွဲခေါ်
မသင့်တော်ပါဘူး။

ငါ့စိတ်ငါ အထပ်ထပ်
သတ်မှတ်ပေးထားရတယ်
မကွယ်ပမယ့် အလင်းမျိုးက
ရင်တွင်းမှာရှိပါတယ်
အိမ်ငယ်ငယ်လေး အတွင်းမှာ
ဒါကိုလည်း ငါသိတယ်။

ရောင်ပြန်အလင်းထက်
ဝင်းလက်မှုမရှိသည့်တိုင်
ကိုယ်ပိုင် ကိုယ့်အလင်းမျိုးကို
လိုလားစွာ ကြိုချင်ပါရဲ.
ကြိုချင်ပါရဲ့ကွယ်။

သြော်…….တကယ်တမ်းကျ
လင်းပြ ဖို. ဆိုသည့်တိုင်
လောင်ကျွမ်းနိုင်ဦးမှ
ဖြာကျစွာ အပူပေးဖို.
ကိုယ့်ကိုယ်ကို လောင်စာအဖြစ်
ကျွမ်းရစ်နိုင်စွမ်း ရှိဦးမှ။

စာနာလိုက်ပါရဲ့
တစ်ခါက အလင်းရှင်ရေ
နွေဥတုရဲ့ သစ္စာနဲ.
ငါ့ကမ္ဘာကို လင်းပခဲ့
ငါ့ကမ္ဘာကို လင်းပြခဲ့
ရင်ရဲ့ အလည်
ဘယ်အရာတွေ လောင်ကျွမ်းခဲ့ပါသလဲ။

ငါခွင့်လွှတ်လိုက်ချင်ပါရဲ့
ဒါပေမယ့်ကွယ်
ဟောဒီလို လောင်ကျွမ်းရင်းလင်း
ဟောဒီလင်းခြင်းဟာ
မင်းအလင်းပေးချင်လို.လား
သဘာဝတရားနဲ.
သားထားတဲ့ အအေးဓာတ်
ကိုယ့်ရင်ဘတ်ကိုယ် နွေးဖို.လား။

မသေချာခြင်းနဲ. စိတ်ကူး
ကျေးဇူးမတင်ပါဘူးကွယ်
ရူးမိုက်တဲ့ ကာလ
ခဏသာတည်တဲ့ အလင်းအတွက်
ငါ ပေးဆပ်ခဲ့ပြီပဲ။

ကုန်စည် ဖလှယ်ခဲ့ကြတာပါ
ဘာမှမဟုတ်ပါဘူး
နှစ်ဦးသဘောတူ ကိစ္စပါ
မာနအရိပ်နဲ. သစ္စာအလင်း
မြင်ကွင်းနဲ. မြင်သူတစ်ဦးပါ
ထူးထူးခြားခြား မဟုတ်ပါဘူး။

ပြီးခဲ့တဲ့ ကာလများကို
ပြီးခဲ့စွာထားခဲ့တော့မယ်
ခေါင်းမော့ဖို.ကြိုးစားရင်း
အလင်းသက်သက်နဲ. မမြင်နိုင်မယ့် သဘာဝတရား
စည်းချထားရတော့မယ်။

ဘယ်သူမှ မမှားခဲ့ကြပါ
တရားမဲ့တာကလည်း
ဖြစ်တည်ဆဲ ကာလရှည်မှာ
ခဏတာပါ။

သူ.တရားသူ ပြန်သုံးသပ်
သူ.ဇာတ်လမ်းသူ ရပ်ပြီကိုး
လက်ညှိုးထိုး မစွပ်စွဲဘူး
မင်းလည်းအသိ
ငါလည်းအသိ
ထားမိတဲ့ သံယောဇဉ်က
ပဲ့ပြင်ရ ခက်နေတာပါ။

သစ္စာမဲ့သူတွေ ရှိနေသမျှ
သစ္စာတည်ပြသူများကို
အထင်မှားကြဦးမှာပေါ့။

ကိုယ့်ကိုယ်ကို မလေးစားတတ်အောင်
ကိုယ့်ဘာသာဆုံးဖြတ်သွားသူရေ
ပြန်သုံးသပ်မိရဲ့လား
သွားလေရာ တွယ်ကပ်တော့မယ့် အရိပ်
ထိတ်လန်.ခြင်း ရောတော့မယ့် သိက္ခာ
ငါ စာနာလိုက်ပါတယ်ကွယ်။

ဘာကိုမှ ယုံကြည်မရတဲ့ အသိတရား
အားလုံးမှားတတ်တယ်ဆိုတဲ့ သတိ
ရရှိခဲ့ခြင်းမှတပါး
အခြားသော ဆုံးရှုံးခြင်းများ
ငါ မခံစားခဲ့ရပါ။

စိတ်ထဲ လှိုက်နာတဲ့ ဒဏ်ရာက
အာသာဝ ကို မြင်စေတယ်
ကွယ်ဝှက်မရတဲ့ ခါးသီးခြင်းက
ရင်တွင်း တစ်နေရာက တစ်ခုခုကို
သူ.အတိုင်းထက် ပိုတဲ့ အတွေ.နဲ.
အပြည့်ဖြည့်ပေးခဲ့တယ်။

ဒါဟာ နာကျည်းတာ ဖြစ်ပါစေဦး
ဆုံးရှုံးတာ မဟုတ်ပါဘူး
ရူးမိုက်ခြင်းရဲ့သဘော
ပြောပြခြင်း မဟုတ်တဲ့ လက်တွေ.
မေ့နေခဲ့သော မာနတွေလေ
ရှတတဲ့ ဇာတ်လမ်းက
ပြသွားတဲ့ သင်ခန်းစာတွေပါ။

မထားပေမယ့် တည်မိတဲ့
ကတိများစွာကလည်း
ရင်ထဲမှာ ၀ဲတလှည့်လှည့်
ကျိန်စာရဲ့ ခေါ်သံ
နာခံဖို. ပြင်နေကြရဲ့။

ဒါပေမယ့်ကွာ
ငါ မကျိန်ရက်ခဲ့ပါဘူး
ဦးထားခြင်း မဟုတ်တဲ့ နေရာ
ဘယ်သူလာနေနေပေါ့
သူကျေနပ်လို. ခွင့်ပေးတာပဲ
ငါပြီးရင် နောက်တစ်ယောက်
ပြီး နောက်တစ်ယောက်
ပြီး တစ်ယောက်
ဖောက်ဖောက်လာဦးမယ့်ဗွေ
သူ.ခြေ သူလှမ်း
သူ.လမ်းသူပြေးတော့
ကိုယ့်အတွေး ကိုယ့်စိတ်မှာ
သူ ခွာမလိပ်ပါစေနဲ.။

ဘယ်ကာလ တစ်ခုဆီက
ချထားခဲ့တဲ့ ၀ဋ်ကျွေးလဲ
ပေးဆပ်လိုက်ပြီလေ
ကျေပါတော့။

ငါ့မှာကလည်း
ခဏခဏ ပြန်ကျော့လာတဲ့ သတိရခြင်း
စိတ်တင်းလို. တားရတယ်
တကယ့်တကယ်ပြောရရင်
သံယောဇဉ်တရားကလည်း
အမှားနဲ. အမှန်
မခွဲခြားတတ်ပြန်ဘူး။

နောင်တတွေ အထပ်ထပ်နဲ.တောင်
ကန်.သတ်မရတဲ့ အလွမ်းက
ပန်းလို ခိုးခိုး ပွင့်တတ်သေးရဲ့
ထားခဲ့သူသာသိရင်
ရယ်ချင်ဦးမှာပါ။

ထားပါ
ထားလိုက်ပါ
တိမ်ကောသွားတဲ့ ရေအိုင်ပါ
“တခါက” အဖြစ်ဟာ
နှစ်မက်စရာ မဟုတ်ပါဘူး။

ကွဲရှသွားတဲ့ မှန်တစ်ချပ်
ဆက်စပ်လို. မရတော့ပါဘူး
ဦးထား မိတဲ့ နေရာ
လစ်ဟာစွာ ထားခဲ့ရတော့မယ်။

ကျောက်စာတစ်ချပ်တောင် မထားပဲ
ထွက်ခွာ …………….သွားတော့မယ်
ဘယ်လိုလူကမှ
ငါ့သမိုင်းကို မဖတ်ကြနဲ.
နားလည်ကြမှာမဟုတ်ဘူး။

ငါရခဲ့တဲ့ အသိတရားကို
ခံစားပြီးမှ သိကြမှာပါ
“မှာ” မထားခဲ့ပါဘူး
ရူးမိုက်တဲ့ သဘောဆိုတာက
ပြောပြထားလို. မရဘူး။

ငါ့လို တစ်ထပ်တည်းကြုံရင်
ယုံကြည်ခြင်းမဟုတ်တဲ့ အစစ်တရား
သူတို.နားလည်သွားမယ်
ကျောက်စာတစ်ချပ်တောင် မထားပဲ
ထွက်ခွာသွားကြလိမ့်ဦးမယ်။

ငါ့လို ခံစားရင်းနဲ.
ငါ့လို သီချင်းတစ်ပုဒ်ဆိုကာ
ကမ္ဘာကို နှုတ်ဆက်ကြမယ်
နှုတ်ဆက်ကြမယ်။

“ဆုံးရှုံးခဲ့တဲ့ အချစ်က
စစ်မှန်လိုက်တာကွယ်
ဆုံးရှုံးခဲ့တဲ့ အချစ်က
စစ်မှန်လိုက်တာကွယ်
တကယ်တမ်း မစစ်မှန်တာက”

ဝေးဝေးက ခွာကြည့်မိတယ်
ကာလတစ်ခုလည်း ရှိပါတယ်
သတိတစ်ခုလည်း ထားပါတယ်
သြော်………ဒါတောင်မှ……………..
………………………………………….
……………………………………………..
……………………………………………………..
……………………………………………………………………………

(၃၀.၁၀.၂၀၀၀ မှာရေးတာပါ။ သစ္စာမဲ့မှုကို ပထမဆုံး ကြုံဘူးပြီးတဲ့နောက်ရေးတာပါ
နောက်တစ်ခါလည်း သစ္စာကိုမေးခွန်းထုတ်ဖို. ကြုံပါသေးတယ်။
ဒါပေမယ့် အခုထိ ရေးဖို.ခွန်အားမရနိုင်အောင်နာကျင်နေဆဲပါ။
ပြတ်ပြတ်သားသားမြင်ချင်ရင် ဝေးဝေးကခွာကြည့်ရတယ် မဟုတ်လား။
အချိန်ကာလတစ်ခုကိုကျော်ဖြတ်ပြီးတဲ့အခါ
သတိတရားတစ်ခု ထားနိုင်တဲ့ အခါမှာတော့
“အို……သစ္စာ-၂” ကို ရေးနိုင်ပါလိမ့်မယ်။
ပြောဖို.ကျန်ခဲ့မှာစိုးလို. ၁၅.၁၂.၂၀၀၀ တုန်းက “သတိရခြင်း သစ္စာ” ဆိုတဲ့ နာမည်နဲ.
ကဗျာတွေကို ကက်ဆက်ခွေလေးနဲ. မွေးနေ.အမှတ်တရ ခွေထုတ်ဘူးပါတယ်။
သတိရခြင်း၊ အခု အို   သစ္စာ၊ သူငယ်ချင်းလေးသို. -၂  စတဲ့ကဗျာတွေပါပါတယ်။
ကျွန်တော့်ဘ၀ရဲ့ မှတ်တိုင်လေးပါ)