ငိုသံတွေကိုမှ
အသံဖမ်းပြီး
ပြန်နားထောင်ရလောက်အောင်
ဒုက္ခမရှာချင်ပါနဲ့လား
မိန်းကလေးရယ် ..
ဘဝဆိုတဲ့
ပန်းချီကားပေါ်မှာမှ
မင်းက
အရောင်သုံးမှားခဲ့တာကိုး .. ။

မင်းစိတ်မှာ
အစိမ်းရိပ်တွေ
မထင်ကျန်စေနဲ့
ဒါဟာ အဆိပ်ပဲကွယ့် ..
မိုးဆိုတာခြိမ်းတိုင်းလည်း
ရွာမှမရွာပဲလေ .. ။

ပြင်မရတဲ့
အတိတ်နဲ့
မမြင်ရတဲ့အနာဂတ်ထဲ
မင်း ပစ္စုပ္ပန်လေးလည်း
သိမ်ငယ်နေရော့မယ် …
စိတ်ဓာတ်လဲ မကျလေနဲ့
မျှော်လင့်ချက်ဆိုတာ
မပေါက်မခြင်းနှိုက်ရမဲ့
မဲတစ်မျိုးပဲကွယ့် … ။

လက်ဖက်ရည်ဆိုင်ထဲ
ကျကျကွဲတတ်တဲ့
အချစ်ဒဿန တရားတွေလည်း
မနာလေနဲ့ ..
သစ္စာတရားကို
တစ်နှစ်စာ
ဟောစာတမ်းထုတ်ပြီး
ရောင်းချင်သူလဲ
များလေသကွယ့်… ။

လက်နဲ့ထွင်းမယ့်
သမိုင်းထက်
ချွေးနဲ့နင်းမယ့်
လမ်းက
ပိုလို့အရေးကြီးပါတယ် ..
ပြိုလဲလို့
မကျမိစေနဲ့
ပန်းတိုင်ဆိုတာ
ရပ်ပြီးစောင့်နေသူကွယ့် … ။ ။

သက်ထွေး
၁၀ရက် စက်တင်ဘာ ၂၀ဝ၈ ညနေ ၅းဝ၈

In: ကဗျာ Posted By: Thet Twe Date: Jul 9, 2009  All Time