(မုန့်တစ်ခုရှိရင် တစ်ခြမ်းဖဲ့ကျွေးတတ်တဲ့သူလို)
ရွှေထက်ရှားတဲ့ကဗျာတွေဆို
ဒီနေရာကို သယ်သယ်လာ
အတူတူမျှဝေခံစားခဲ့
သူမဟာ
လပြည့်ဝန်းကြီးအတိုင်းပဲ
နင်ရေးသမျှ ငါအားပေးမယ်
ငါရေးသမျှ နင်ဖတ်ပေး
အဲသလိုပဲ
သူမဟာ ရိုးရှင်းစွာ
ကဗျာကို ဖက်တွယ်
ကဗျာကို တွေး
ကဗျာကို ရေးတယ်
နှစ် ပြီးတော့ နှစ်
ဆန္ဒ ပြီးတော့ ဆန္ဒ
ဘာမှမရှိတဲ့ညတွေတိုင်း
အလံမလဲမြို့ထဲက
မေမေ့ကို လွမ်းနေတတ်သူ။