အခုထိ ဓာတ်ကြီးလေးပါးအကြောင်းနဲ့
ဓါးကြီးလေးပတ် ပတ်ပြရင်း
ဟန်ရေးပြကောင်းနေတုန်းပဲလား ညီငယ်
တို့ဘုရားရဲ့ ပဋိစ္စသမုပ္ပါဒ်မှာလေ
အ၀ိဇ္ဇာနဲ့တဏှာအရင်းခံ ဥပါဒါန်
ကံကြောင့် ရုပ်နာမ်ပေါ်လာပြန်ပြီဆိုရင်
ဇာတိဆိုတဲ့ အညစ်အကြေးဖြစ်တည်မှုကစလို့
ဒီစိတ် ဒီခန္ဓာတွေ ရလာတာပဲမဟုတ်လား
ကပ်ပါလာတဲ့ဇရာ ဗျာဓိ မရဏဆို မေ့ထား
အ၀ိဇ္ဇာတစ်ခွဲသားနဲ့ နှစ်သိန်းလေးသောင်းပေါ်မှာ
ငါတို့ဟာ အခုထိ
လူပေါင်းမှားနေမြဲ ဆိုးနေမြဲ ပေနေမြဲ လေနေမြဲ
လက်တစ်ကမ်းက ငရဲဟာ သိပ်ကြောက်စရာကောင်းတဲ့အကြောင်း
ကဲ  သူတော်ကောင်းတို့
ဒီကဗျာ    အချိန်စေ့ပြီ
ဒီတော့ ဒီနေရာမှာပဲ
*ခရမ်းပြာရဲ့ပါဒတစ်ကြောင်းနဲ့ အဆုံးသတ်ကြပါစို့
ကမ္ဘာအစောင်းကြီးမှာ လူတွေစောင်းနေ မြောင်းနေ ဘာအရေးလဲ

(*ခရမ်းပြာ=ဆရာခရမ်းပြာထက်လူ)