သရုပ်ဆောင်ခဲ့တယ်
သရုပ်ဆောင်မှန်း မသိအောင်
ပွဲကြည့်ပရိသတ်တွေကလည်း
ဇာတ်အရံအဖြစ် ၀င်နွဲခဲ့လည်း
မသိခဲ့လိုက်ကြဘူး
မပြီးဆုံးသေးတဲ့ ဇာတ်လမ်းတွေကြား
ပျော်ရွှင်နေတဲ့အခါ လက်ခုပ်တီးခဲ့ကြတယ်
ခြေလျှောလဲလည်း လက်ခုပ်တီးကြတယ်
ငိုနေလည်း တိုးတိုးသီသီ ပြောနေခဲ့ကြတယ်
ရှုံးတော့လည်း ငါမကောင်းလို့
တော်ရင်လည်း သူတို့က ၀ိုင်းအားဖြည့်ခဲ့ကြတယ်
မနားမနေကပြခဲ့တဲ့ ဘ၀ပြပွဲ
အားယူကာ ကြိုးစားခဲ့တဲ့ ဇာတ်လမ်းတွေ
အဆုံးသတ်ဖို့  အချိန်ဆိုတဲ့ ဒါရိုက်တာက
ကြီးကြပ်ပေးနေတယ်. . .။     ။

နရီထက်
( ၁၀ ၊ နိုဝင်ဘာလ ၊ ၂၀၁၀ )