ရင်နာနာနှင့် အဝေးကို ထွက်ပြေးသွားချင်တယ်
ရူးတော့မလိုနှင့် အတောင်တွေကို ပွတ်သပ်ကြည့်တယ်
အားကုန်ယူလို့ အမြင့်ကို တက်ပျံခဲ့တယ်

လေဆန်ကြားမှာ ရင်ကိုခွဲ အတောင်တွေ ဆန့်လို့
မြင့်သထက်မြင့်အောင် ဆက်ပျံကြည့်တော့
ရင်နှင့်မပြည့်ှမျှအောင် ခံစားချက်တွေ ပြည့်နှက်ခဲ့တယ်

ခရီးရောက်မတတ် အိမ်မက်တွေကြား
တိမ်လွှာတွေဘေးနား ငေးကြည့်မိတယ်
ခဏလေးနှင့်ပျောက်ကွယ်မယ့် ဝေဒနာတွေလား
တစ်ချက်တစ်ချက် ပြန်ပေါ်လာမယ့် ဒဏ်နာတွေလား

မြေပြင်က လဒတွေ အသေကောင်ကို မျှော်နေကြလေးရဲ့
နေ့အခါ မျက်မမြင် ဇီးကွက်ကြားကိုလည်း
ကျီးကန်းတွေက ၀ိုင်း မဲနေကြလေးရဲ့
သစ်ချပင်ထက်က ညဆိုးဌက်ကလည်း
နိမိတ်တွေ ပြဌာန်းပေးလေးရဲ့….

အဝေးကို ငါ ထွက်ပြေးချင်မိ…
ပြန်လမ်းမရှိတော့တဲ့ အိမ်ပြေးဌက်တစ်ကောင်တော့
ငါ မဖြစ်ချင်တာ အသေအချာဆုံးပါ..
ပျံရင်းနဲ့ သေသွားမှာလား
ကျန်ရင်းနဲ့ အသက်ဆက်ရအုန်းမှာလား…

ငါ မမှားတာတော့ သေချာပါတယ်
မနက်မိုးလင်းက တစ်ချို့ဌက်ကလေးတွေ
ပန်းပွင့်လေးကြား တေးဆိုနေသေးရဲ့…
မြေပြင်တစ်နေရာ ကျီးကန်းအသေကောင်နား
သူ့ပေါက်ဖော် ကျီးကန်းတစ်သိုက် ၀ိုင်းပူဆွေးရှာလေးရဲ့…
အလွမ်းဒဏ်ကို နာကြည်းချက်တွေနဲ့ သူတို့မဖြစ်သင့်ကြောင်း
အော်ဟစ်နေကြတယ်လေး…

အတောင်မစုံသေးတဲ့ ဌက်ကလေးတွေက
ကိုယ်ကိုကိုယ်ကြည့်ပြီး နေ့သစ်ကို တွေးဆနေတယ်
ဌက်ကြီးတွေက အတောင်စုံလို့ အစာရှာလေးရဲ့
ဘ၀အတွက် နေစရာ အသိုက်တွေလည်း ဆောက်နေကြလေးရဲ့
ရန်သူဆိုတာ ကာကွယ်ဖို့ တိုင်ပင်နေကြတာ နေ့တိုင်းပါပဲ…

အိမ်ပြေး ဌက်တစ်ကောင် မဟုတ်ခဲ့ပါ…
အမြင့်ဆုံးကို ပျံချင်လို့ ရူးသွပ်နေတာ မဟုတ်ခဲ့ပါ..
လေဆန်ကို ခွင်းပြီး တေလေဌက်တစ်ကောင်…
ဆက်ပျံသန်းခွင့်ရှိချိန်မှာလေး…
ရှေ့ဆက်ခရီး ဆက်ချင်နေတာ အသေအချာဆုံးပါ…

နရီထက်
( ၂၁ ၊ ဒီဇင်ဘာလ ၊ ၂၀၁၀ )