ထိုသောညမှာ နှင်းပြာအုပ်မိုး
အိပ်မက်ခိုးမျှင် သခင်ဖြစ်၏။

ကြယ်စက်ညတွေ ပန်ရင်းကြွသက်
မျက်ရည်ဝိုးဝင်း အိပ်မက်လင်းပြာ
ငါနမ်းမွှေးရှိုက် ရင်ကိုခိုက်၏။

ငါ…ချစ်မိသည်
ငါချစ်မိသည်
ယုံကြည်ကြေကွဲ ခိုတွဲကိုင်းညွှတ်
ပွင့်ဦးဆွတ်ပျံ့ စံပယ်နံ့အေး
အဝေးစကား နှုတ်ဖျားထုံကျင်
သခင်…သိပါ။

ထိုသို့ဖြင့်
ငါနှင့်ကြယ်တို့ ညမြို့ ရိုးထက်
သွေးပျက်သီချင်း ဆိုညှင်းဖွဲ့ ဝေ
ကြွေခဲ့ကြသည်။

ဪ ထိုသို့ဖြင့်
ငါနှင့်သခင် ရာဇဝင်ပန်း
လွမ်းမှိုင်းဝေရီ ရွှေလက်ဖဝါး
ပါးပြင်ထိအပ် ခုံမင်တတ်လည်း
တေးမှတ်မိရုံ ဝတ်မှုံမြေ့ဆွေး
ဝေးသွားခဲ့လျှင်…
ဝေးသွားခဲ့လျှင်…။ ။

တာရာမင်းဝေ (ပန်းခေတ်ကလမင်း)